板神鉄板燒日本料理 (駿業街)

营业中

休息中

一個午餐 食到兩個女仔都好飽🤣食物有好質素 一黎就有沙律🥗但因為我唔食沙律 我就冇食到 我fd食左話好食 味道唔錯 之後慢慢食完就上刺身 因為我fd對🦐🦐過敏 就換左第二種魚俾佢 味道都好鮮 唔會有腥味❤️ 之後就開始鐵板環節 第一樣上嘅系煎銀鱈魚 師傅會好細心咁同你介紹會有啲咩 用左咩汁 小心有骨等 食第一啖就覺得好正 表面煎到好脆身 但裏面魚肉好滑 啱啱好熟嘅狀態 而裏面啲魚油口感豐厚 同嫩滑唧魚肉夾埋 有好鮮明對比嘅口感 其實我地食完條魚已經有小小飽🤣🤣好在餐廳都好貼心咁準備左杯茶 飲一啖就好解膩 第二味上嘅系南非鮑魚 你見佢燒咁耐 會以為口感唔多唔少會有啲鞋口 個結果師傅都真系好出色 時候控制得啱啱好 表面有少少焦香 內裏係啱啱好嘅熟度 點埋旁邊嘅鹽 就帶左鮑魚嘅鮮味出去 第三味系半邊龍蝦 佢加左本身龍蝦嘅膏 同師傅精心挑選嘅醬汁 味道好夾又好濃郁 食第一啖就心心眼😍我朋友對🦐🦐過敏 師傅就轉左鵝肝俾佢 煎到金黃色 食落又唔油 另外仲有個甜甜地啲包仔 同鹅肝出其不意地好襯 去到牛肉卷個part 裏面夾咗啲炸蒜同埋蔥 口感好好食 仲要好貼心攞塊多士嚟朔油 之後就到海膽炒飯 超級好