星星 Pho Cha

营业中

休息中

难得放假，同朋友周围揾嘢食，行到佐敦估唔到个边都咁多嘢食，见到呢间餐厅下昼五点几都咁多客，一于试吓。.menu入边食物种类都几多，我地虽然得2个人都叫3样嘢。不得不提佢个前菜好大份，一啲都唔孤寒，又唔会好碎咁，值得一赞，食完仲会refill！辣牛肚牛肠锅估唔到都几大煲，除咗牛肚同牛肠仲有粉丝同埋其他配菜，所有嘢都好入味又唔会太辣同埋太咸。两个人食晒呢煲嘢再加个小食应该都够，食极都好似唔见底咁。星星炸鸡几脆，但有少少干身，一般，反而腌萝卜几好食。韩式米肠米肠配埋一啲烚猪件，几特别，呢碟唔好睇佢好似唔系好大碟，但系超饱肚！总结，今餐埋单500蚊唔洗，其实几抵。