金鳳大餐廳 (D2 Place TWO)

营业中

休息中

之前系D2 Place二期行街都有谂过帮衬呢间餐厅，几有港式怀旧餐厅感觉，可惜正值夜晚最多人嘅食饭时间，太多人之下就放弃咗。过咗排晏就决定又系二期觅食，咁岩有位，就一于试下。午餐menu比起晚市真系抵食好多，60蚊有找就有lunch set，包埋餐包、餐汤同热饮。-忌廉汤忌廉汤都几入味，质感唔会太稀，但亦唔算好稠。入面有少少粟米同洋葱吊下味，饮落清甜。-餐包侍应会用微波炉预热下，食落无咩特别。口感松软温暖，但无咩面包香。-西冷牛扒配薯菜牛扒有两至三块，肉质都几厚。入口唔会太韧或者太多筋，咬落算腍软，可惜酱汁太多，有点盖过牛肉味。薯菜都唔错，不过炸得有点老，尚算香口。