影片
更多
2024-01-17
27 浏览
厨师发板都食过唔少啦，但讲到风趣幽默，「寿々乃」邓师傅真系尤其盏鬼。成个用餐过程非常愉快。师傅慢慢整，我地慢慢食，中间仲穿插师傅噶介绍同埋日本的经历，真系好似同朋友畅谈一样。店内环境非常清幽雅致，洗手间设系外面小花园，整体氛围好有格调。座位唔多，邓师傅可以一人hold住全场。晚餐仅设有「雅」一款，但师傅话五好只睇menu，到时绝对值回票价。先付：鲽鱼昆布蒸＋鳗鱼百花卷+盐渍银杏+蜜糖栗子个人非常钟意呢个鲜银杏，同平时食开噶白果真系好有区别。呢个咬落小小烟韧有口感，仲带有淡淡的银杏香味，正！鳗鱼百花卷系烧鳗鱼包住牛蒡淮山，一啖落去好有层次，好唔错。蜜糖栗子个人觉得会稍甜。季节汤：烧秋刀木之子碗秋刀鱼都系临近季尾啦，食埋呢水就要等出年。秋刀鱼＋鲜菌搭配，加少少盐就可以完全带出海鲜的鲜味，掂！刺身：平目鲷鱼，香箱蟹， 鰝鯵，水八爪鱼，赤贝&白见贝，根子萝卜蓉香箱蟹季节限定，即系女仔松叶蟹，呢个季节蟹籽蟹膏非常丰富。师傅人手剥好，一只蟹刚好塞满一蟹盖。蟹籽+蟹膏+蟹肉全部都整整齐齐，真系可想而知师傅有几俾心机。蟹肉鲜味，蟹膏咸香，搭配蟹籽丰富口感，劲满足。水八爪鱼颇为惊艳，八爪鱼足够咬口，吸盘
店内环境非常清幽雅致，洗手间设系外面小花园，整体氛围好有格调。座位唔多，邓师傅可以一人hold住全场。晚餐仅设有「雅」一款，但师傅话五好只睇menu，到时绝对值回票价。
先付：鲽鱼昆布蒸＋鳗鱼百花卷+盐渍银杏+蜜糖栗子
个人非常钟意呢个鲜银杏，同平时食开噶白果真系好有区别。呢个咬落小小烟韧有口感，仲带有淡淡的银杏香味，正！鳗鱼百花卷系烧鳗鱼包住牛蒡淮山，一啖落去好有层次，好唔错。蜜糖栗子个人觉得会稍甜。
季节汤：烧秋刀木之子碗
秋刀鱼都系临近季尾啦，食埋呢水就要等出年。秋刀鱼＋鲜菌搭配，加少少盐就可以完全带出海鲜的鲜味，掂！
刺身：平目鲷鱼，香箱蟹， 鰝鯵，水八爪鱼，赤贝&白见贝，根子萝卜蓉
香箱蟹季节限定，即系女仔松叶蟹，呢个季节蟹籽蟹膏非常丰富。师傅人手剥好，一只蟹刚好塞满一蟹盖。蟹籽+蟹膏+蟹肉全部都整整齐齐，真系可想而知师傅有几俾心机。蟹肉鲜味，蟹膏咸香，搭配蟹籽丰富口感，劲满足。
水八爪鱼颇为惊艳，八爪鱼足够咬口，吸盘够爽脆，搭配自家制芥末酱，淡淡的酱香味，效果非常好。
根子，即三文鱼籽，新鲜到可以弹起，师傅仲即场为我地示范。三文鱼籽新鲜唔会腥，粒粒爆珠，真系好过瘾。捞埋一齐，萝卜蓉的细腻，加三文鱼籽的口感，仲有小小柚子香味，真系无得弹。
间场小食：炸白海老-白海老三食之一，简单的煎炸，无需其他额外调味，白虾的鲜味同咸香完全保留到，个人觉得为最佳！后面仲有各款寿司同甜品，基本上都好惊艳，一餐饭食几个钟，又享受又满足。
张贴
