銀座炎蔵燒肉

营业中

休息中

荔枝角D2 Place 3楼近排发现咗有一间烧肉店叫做银座炎藏，主打系日式烧肉。觉得餐厅环境都算唔错，座位都算宽敞，而且系自己用QR code去scan落单，好方便。睇完Menu叫咗个舞特盛，里面包括咗一个和牛四点拼盘，一个梦之大地豚三味同一个日本产鸡肉三味。个人觉得个和牛四点拼盘真系冇得输啲肉好juicy,一睇啲花纹都已经觉得啲肉质超靓, 而且啲牛好重牛味，就算唔点酱汁都好好食。至于个豚三味个人觉得都唔差，唔会韧，亦都唔会嚡口。另外叫咗个和牛炒饭同咖喱和牛乌冬，和牛炒饭其实唔差里面有好多黄牛粒粒，而且超大份好抵食，初时以为只系得大约一碗饭，点知原来个碟滗落去下面系凹咗落去嘅半圆碟。至于咖喱和牛就系每一条乌冬面条都俾咖喱酱汁包围着，配着和牛食其实都几好食。