滾爺火鍋 (金巴利道)

营业中

休息中

我推介大家去尖沙咀金巴利道嘅「滚爷火锅」，真系一间好惊喜嘅餐厅！佢嘅汤底真系无得顶，我叫咗佢地嘅招牌椰子鸡锅，入面已经有半只鸡，汤底用料好丰富，有两个椰青同两个椰皇，一滴水都冇沟，煲出嚟嘅鸡肉超级鲜甜同嫩滑，已经好满足。食完鸡之后，用佢地嘅椰子汤煮生菜，令到生菜更加甜味升华。现炸枝竹上枱时听到卜滋卜滋嘅声，真系新鲜同酥脆，呢个真系必点。当然要试吓佢地手打四宝丸同埋手包鲜虾云吞，用料新鲜、份量多。四款丸子真系真材实料，全部都有唔同嘅口感，尤其系墨鱼丸，超级弹牙。手包鲜虾云吞嘅皮弹牙，馅又靓，入面嘅鲜虾好新鲜同甜。不过最令我惊喜嘅系佢地嘅白滑急冻米线，我以为只系普通米线，点知佢真系好弹牙，同普通米线差好远！整体火锅体验好出色，价钱都好合理，人均都系大约$300。