鳥炎屋

营业中

休息中

好多年前嚟过呢间餐厅，记忆中就系呢度嘅礼貌好好，但系一直冇机会再嚟，今日朋友系呢度放工，咁啱喺度附近，终于有机会再嚟食啦。呢度仲系咁好礼貌，虽然只有两个职员，但系一男一女嘅职员都好有礼貌，佢哋会介绍俾你听有咩好食。首先，我哋叫咗一个牛油果蕃茄沙律，估唔到真系好开胃，而且好足料。佢嘅牛油果起码有两个，点买豉油食真系好似三文鱼。而且蕃茄同沙律都好夹，越食越开胃。呢个吞拿鱼玉子烧都好值得赞，因为佢食落唔会好腻，亦都唔会好油，又系开胃之选，非常适合夏天食。我自己最钟意嘅，就系呢个烧鸡串同和牛串，徐徐食材好新鲜之外，而且份量好够，同埋烧嘅时间啱啱好。呢个和牛串食落真系好有牛味，而且唔会太硬又唔会太腍，真系非常推荐大家试吓。最后我哋走嘅时候，呢度嘅职员仲送到我哋去门口，而且大力鞠躬欢迎我哋嚟到呢度，真系好日本嘅感觉啊。呢间居酒屋又靓，而且价钱又平，服务态度仲非常好，真系谂唔到理由唔嚟啊。以后再有朋友聚会或者生日都一定会推介佢哋嚟啊。