漁火海鮮刺身火鍋

营业中

休息中

今日精挑细选揾到一间精美有营嘅火锅晚餐，有益滋补嘅火锅汤底，「花胶响螺炖赤肉汤」，店员为你介绍汤嘅内容同埋材料，建议食法，首先系饮汤，一锅汤大约可以装六小碗以上，余下嘅汤会继续留喺煲入边，店员会帮你再加上清汤，接着就系火锅配料入去煮。火锅配料选择有好多，我哋拣咗新鲜嘅脆肉鲩鱼片、新鲜蛏子皇，海鲜全部非常新鲜。另外有手工切牛颈脊，牛肉鲜味，好滑，好易入口。除此之外，特色四色手打丸，包含猪肉丸、虾丸、墨鱼丸等等，鲜甜又弹牙。最后来一份自家制即炸响铃，店员教我哋只需要煮3秒，脆卜卜，好香蛋味，又唔会太油，虽然好大碟，两个人都食得晒，好饱肚。我哋拣咗一款小食「新鲜炸鱼片头」，即叫即炸，炸到外脆内软，鱼肉爽口弹牙，热辣辣，新鲜又好食。饮品有新鲜「竹蔗茅根水」，少甜少冰，清热解渴。整体食物质素非常非常高，价钱唔贵，值得推介。