影片
更多
2022-06-12
223 浏览
Check 返手机，先发现旧年食过雅 • 悠蔬食但居然忘记咗出食评🙈，好彩写低哂 notes，而家出，虽然迟咗，menu 亦早已转换，但由于呢间嘅质素真心高，我谂都绝对值得记录一下。𠮶日我哋叫咗两个午餐，加钱要埋甘笋地瓜扁豆忌廉浓汤配香脆法包。呷一口汤，好鲜甜好 creamy，法包唔算好脆，不过都几好食，因为有好香嘅牛油同青酱味。唔，有个好开始😌。主菜之一系蒲烧玉子淮山蓉素鳗鱼配日本珍珠米，素鳗鱼其实系类似面筋类嘅食物，本身唔会有鱼味，之所以似，全靠落咗甜甜稠稠嘅鳗鱼汁，令人引起联想，再加上饱满弹牙嘅珍珠米，呢个定食质素唔错。另一个焗烤牛油果墨西哥薄饼配红菜头乳酪沙律同香脆薯角我就觉得超正，首先个沙律除咗红菜头之外，仲有我最钟意嘅合桃同藜麦，淋上意大利黑醋，酸酸味味，味道口感都非常丰富。墨西哥薄饼有三块，馅料有牛油果，鸡肉，芫茜同蕃茄，当中牛油果独有嘅鲜味同芫茜受争议嘅香味都几突出，如果你钟意食呢两样嘢，就会同我一样，觉得呢个薄饼好好食。意犹未尽，叫多个甜品，玫瑰荔枝千层班戟嘅荔枝味比玫瑰味强，成件蛋糕唔太甜，唔错。至于餐饮嘅雪梨青柠芦荟冰茶都好啱我口味，茶味够浓，青柠味够突出，如果雪
𠮶日我哋叫咗两个午餐，加钱要埋甘笋地瓜扁豆忌廉浓汤配香脆法包。呷一口汤，好鲜甜好 creamy，法包唔算好脆，不过都几好食，因为有好香嘅牛油同青酱味。唔，有个好开始😌。
主菜之一系蒲烧玉子淮山蓉素鳗鱼配日本珍珠米，素鳗鱼其实系类似面筋类嘅食物，本身唔会有鱼味，之所以似，全靠落咗甜甜稠稠嘅鳗鱼汁，令人引起联想，再加上饱满弹牙嘅珍珠米，呢个定食质素唔错。
另一个焗烤牛油果墨西哥薄饼配红菜头乳酪沙律同香脆薯角我就觉得超正，首先个沙律除咗红菜头之外，仲有我最钟意嘅合桃同藜麦，淋上意大利黑醋，酸酸味味，味道口感都非常丰富。墨西哥薄饼有三块，馅料有牛油果，鸡肉，芫茜同蕃茄，当中牛油果独有嘅鲜味同芫茜受争议嘅香味都几突出，如果你钟意食呢两样嘢，就会同我一样，觉得呢个薄饼好好食。
意犹未尽，叫多个甜品，玫瑰荔枝千层班戟嘅荔枝味比玫瑰味强，成件蛋糕唔太甜，唔错。至于餐饮嘅雪梨青柠芦荟冰茶都好啱我口味，茶味够浓，青柠味够突出，如果雪梨粒同芦荟再多少少就更加好啦🤗。
张贴
