樂鐵板燒

营业中

休息中

Item: 樂鐵板燒
Rating: 5
Author: L_CY

Raku Teppanyaki

4.5

213 食记

味道

环境

服务

卫生

抵食

6909

佐敦

$401-800

日本菜铁板烧

185

L_CY

等级4

588

海胆😍 龙虾😍蟹😍和牛😍 有咩抵得过一个餐有哂咁正既海鲜同和牛?! 讲紧就系位于佐敦既乐Teppayaki推出既💮十八层海胆杯二人前Omakase💮既套餐! 除左套餐之外，仲有多款美食另叫。呢间主打铁板烧既日本创意Omakase餐厅，采用高质新鲜海鲜同和牛，坐系吧枱睇住专业师傅在你面前炮制美食，真系享受!.
.
先睇睇呢道极美的🦀火焰海胆甲罗烧
甲罗烧里面有蟹肉、蟹黄同蟹膏之外，仲有蟹籽同海胆同黑鱼子! 系极矜贵奢华既甲罗烧啊🤩 首先一呈上时，会用纸包住再点火，包住成个甲罗烧咁烧香! 钟意影相既朋友要把握机会拍低啦! 先品尝最上面既海胆同黑鱼子，好鲜美浓郁，再来将里面既蟹肉、蟹黄、蟹膏、蟹籽同紫洋葱粒捞埋一齐食，极浓郁既蟹味出哂来!! 脆卜卜既蟹籽，令到成个口感好丰富! 紫洋葱加添左甜味，好好食!.
.
再来就讲下🔥十八层海胆杯二人前Omakase套餐啦!
当然唔少得呢杯身为主角登场既十八层海胆杯! 里面有北海道紫海胆、黑鱼子、帆立贝、冻玑煮鲍鱼、北欧花胶、蓝鳍吞拿鱼拖罗蓉、北海道松叶蟹肉、海胆鱿鱼、明太子沙律、牡丹虾、北海道粒贝、烧白饭鱼脆片、鲜海带碎、三文鱼子同冲绳海葡萄! 超足料，极多矜贵既食材，逐样摆落高杯度，排得好靓! 食材全部都系极新鲜，你可以逐样品尝都可以捞埋一齐食，各具风味!.
.
🦞活龙虾
大大只既龙虾，一式两味! 首先将龙虾头同身分开，烤香整条龙虾身至尾，然后加上秘制酱汁同大量芝士在充龙虾身尾上，让芝士呈半溶状态，超香! 再将龙虾头里面既膏同肉挑出，以牛油煎香，就成为龙虾既一式两味啦! 两款都好好味，因为龙虾肉够爽，不过要比较，我个人就钟意芝士果款，因为真系好突出!!.
.
🦀北海道松叶蟹脚
师傅挑选最肥美既蟹脚，然后简单煎香，本身已经贴心地挑开哂蟹脚外壳，蟹脚真系啖啖肉啊!! 好鲜甜!!.
.
🪱烤鳗鱼
无谂过鳗鱼既皮可以烤到咁脆!! 脆到好似乳猪皮果种程度!! 超香!! 加埋鳗鱼酱汁一齐烧，好Juicy!!.
.
以为呢个餐主要系海觧? 唔系啦仲有另一个重头戏，就系和牛!!!
🥩A5 威士忌和牛厚烧 (岩手县)
哇呢个真系惊为天人！我地食左第一啖都一齐叫左一声!! A5和牛入口即溶，油脂系口腔里面爆发，肉味浓郁细致! 呢个A5和牛，来自日本岩手县，老板介绍采用既牛，本身真系有用威士忌来喂牛只，而呢个都系呢款和牛肉香味浓既秘密! 师傅用左3大片和牛煎香，要赞下师傅真系好细心，佢会切走每片和牛侧边既白色肥膏，然后将每片卷埋一旧，再铺系已经烘香左既多士上，所以每片多士上有3卷和牛片，拎住多士同上边铺上既和牛一起进食。而碟上仲备有酱油，老板介绍系海胆豉油!!! 就算已经够肉味都要点下先得! 真系好惹味!! 由于和牛一向系油脂比较多，所以连埋烘香既多士食，肉汁流哂落多士度劲香! 完美! 一定要食!.
.
🦆法式煎鹅肝配时令水果
呢个就唔包括在套餐内，系另叫既。煎香鹅肝就一定无死，因为够香，入口即溶，不过今次讲下鹅肝旁伴既配菜同甜品一样好特别! 师傅煎香左日本山药然后整成pancake咁样，原来系将鹅肝摆上山药度食，原理好似鹅肝多士咁! 不过呢个既质地就唔系脆，软身。隔离既甜品小吃好特别，系红酒炖雪梨，所以系深红色咁，一咬落去，劲浓香既红酒汁同梨既甜，真系甜入心! 再加埋腌梅，清新哂!.
.
🍲吸物 - 特色纸包花胶羊肚菌蚬汤
师傅将汤同料放在保温袋直接成袋摆上铁板度烧热，然后直接放碗开来饮。好鲜甜，完全无落调味料，里面有大蚬肉同花胶，正.
.
🍆烧野菜
分别有茄子、南瓜同细紫薯，茄子系横切圆身面，上面酿左木鱼干同酱汁，好好食!! 完全无左茄子本身有既草青味! 南瓜烧过后质地比较爽，实身质地；而紫薯系细细粒咁，再切开一半，中间夹住粒细棉花糖，好甜!! 可以当系甜品食.
.
🍳黑松露煎日本蛋炒饭
师傅将蛋炒饭同椰菜花粒同黑松露一齐炒，再另外煎香日本蛋整成荷包蛋卷埋放蛋炒饭面，充满黑松露香，简单美味.
.
完美作结今次晚餐😎