影片
更多
2024-12-07
305 浏览
出开嚟荔枝角睇中医，中医话我要食多啲嘢，我哋即时好听话咁去食好西。见到呢间日式烧肉好似好高级咁，一于试试佢。首先我几钟意佢座位啲间隔，每一个卡位都系有屏风，每一张枱都系一个好完美嘅私人空间，啱晒大家去食好西嘅同时谈谈情摸摸酒杯底。我哋叫咗个和牛拼盘，包括有四款牛肉，三款鸡肉，三款猪肉。和牛系四个唔同嘅部位，不过俾啲咩部位你就视乎当日嘅供应量，因为佢嚟到嘅肉类同埋餐牌上面嘅唔一样。今晚我哋食到嘅系和牛下鞍，羽下，芯芯同埋肩三角。我个人觉得最好味嘅系和牛肩三角，佢本身有酱汁腌制过，所以唔使点酱都已经好够味。呢个部位都好腍，肉质好软熟，岩晒我。而第二位就系和牛芯芯，如果肩三角属于好腍嘅话，呢一个芯芯就更加腍，而且佢系厚切，成个嫩嫩嘅口感出晒嚟。而三款猪肉入面，我觉得最好味嘅系五花腩，佢系薄切嘅，所以呢你烧完之后个皮会弹牙得来又脆脆地，最重要系佢个猪味都够出，但系又唔会好油，对于唔钟意食肥嘢嘅我嚟讲，呢个五花腩出奇地好味。而鸡肉方面包括咗鸡胸，鸡腿肉同埋鸡颈肉，我自己就最钟意食鸡颈肉，因为肉质比较弹牙，烧到啱啱好嘅话都好Juicy 㗎。呢个拼盘仲包咗每人一个沙律菜同埋泡菜，俾你食肉食到漏嘅时候
首先我几钟意佢座位啲间隔，每一个卡位都系有屏风，每一张枱都系一个好完美嘅私人空间，啱晒大家去食好西嘅同时谈谈情摸摸酒杯底。
我哋叫咗个和牛拼盘，包括有四款牛肉，三款鸡肉，三款猪肉。和牛系四个唔同嘅部位，不过俾啲咩部位你就视乎当日嘅供应量，因为佢嚟到嘅肉类同埋餐牌上面嘅唔一样。今晚我哋食到嘅系和牛下鞍，羽下，芯芯同埋肩三角。
我个人觉得最好味嘅系和牛肩三角，佢本身有酱汁腌制过，所以唔使点酱都已经好够味。呢个部位都好腍，肉质好软熟，岩晒我。
而第二位就系和牛芯芯，如果肩三角属于好腍嘅话，呢一个芯芯就更加腍，而且佢系厚切，成个嫩嫩嘅口感出晒嚟。
而三款猪肉入面，我觉得最好味嘅系五花腩，佢系薄切嘅，所以呢你烧完之后个皮会弹牙得来又脆脆地，最重要系佢个猪味都够出，但系又唔会好油，对于唔钟意食肥嘢嘅我嚟讲，呢个五花腩出奇地好味。
而鸡肉方面包括咗鸡胸，鸡腿肉同埋鸡颈肉，我自己就最钟意食鸡颈肉，因为肉质比较弹牙，烧到啱啱好嘅话都好Juicy 㗎。
呢个拼盘仲包咗每人一个沙律菜同埋泡菜，俾你食肉食到漏嘅时候可以解下腻，佢个沙律菜啲菜都好新鲜，加埋个沙律醋真系好消滞。
另外我哋叫咗两款海鲜，分别系鱿鱼同埋带子，鱿鱼系成条上好抵食，带子其实佢系两粒字，不过放埋同一个贝壳上面。
个带子就咁放上去烧，都好快熟，所以小心睇住唔好过火。而佢个带子都好鲜甜，拍得住刺身级嘅鲜甜，好少可烧肉店会用咁靓嘅带子嚟烧，所以呢度真系真材实料㗎。
另外令我更加惊喜嘅系佢条鱿鱼，佢条鱿鱼都好甜，控制好火候好烧得太耐，完全一定唔系雪藏味，而系鱿鱼本身嘅甜味，而且佢都好厚肉，呢个价钱嚟讲我觉得都几抵食。
我哋叫咗两杯果汁汽泡酒，分别系士多啤梨西柚同埋橙，士多啤梨嘅话佢就用咗干嘅士多啤梨，如果佢系新鲜嘅话会更加开心。反而系用咗新鲜嘅，所以个杯会更加甜啲Fresh啲。
另外见到佢餐枱上面有一支Sake讲到好犀利，好奇心驱使之下都叫咗一杯嚟试吓。一试真系返唔到转头，佢闻落就似白酒，饮落就系same 沟白酒，佢个果味确实好出，层次都好够，而且冇乜酒精味，真系值得买支叹下。
张贴
