鴨大哥 (太古坊)

营业中

休息中

屋企人平时好钟意食中菜，今次专登揾咗间专门食片皮鸭嘅餐厅同屋企人去食饭。北京烤鸭 半只今次我哋叫咗半只北京烤鸭，肥瘦适中而且份量非常之充足，不得不提呢度啲皮真系搓到非常之薄，唔会好似其他餐厅咁厚粉真系值得一赞，至于配料方面有青瓜，大葱，麻酱同埋比较少见嘅黑糖可以适当咁增加口感绝对值得一试。云南黑土猪叉烧呢度嘅叉烧，虽然睇落平平无奇，但系绝对有惊喜！叉烧肉质肥瘦适中而且大大件咬肉非常之软腍，系食过咁多间叉烧之中呢间好系最好食嘅其中之一。麦香黄金虾黄金虾外面包裹住脆香嘅麦皮，入口好似食紧薯片咁香脆入面只虾非常之弹牙爽口而且仲好鲜甜配埋香脆嘅麦皮一齐食估唔到非常之夹。