雲壽司 (聯成商業中心)

营业中

休息中

一个人的午餐，行街去到铜锣湾街上面，行得太攰，唔想快快脆食茶餐厅，见到呢间寿司店午餐价钱合理，加上接近两点客人唔多，可以俾我慢慢坐回一回气，我叫咗一人餐有寿司刺身，同埋有个迷你鳗鱼饭。刺身带子同埋三文鱼，每样两块，都非常新鲜同埋甜美，食入口好鲜甜，好有口感。寿司有好几款，牡丹虾寿司大大只好鲜甜，最正系牛肉薄烧唔会有跟，好香牛味，其他几件寿司都一样出色，寿司饭唔会好多，但系刺身就好足料，一口一旧寿司好满足。馒鱼饭虽然佢话系迷你版本，但成个饭有我只手咁大，对于女士嚟讲绝对唔系迷你，而且有三大条鳗鱼，烧得好香，酱汁配埋糙米饭一齐食，非常好食，估唔到误打误撞比我发现到呢间优质嘅寿司店，下次可以去铜锣湾行街一定再嚟。