蛇王海

营业中

休息中

天气咋暖还寒，今日气温20度左右，趁仲未热得晒走去食番次蛇羹。对上一次嚟呢间舖头食蛇羹大概系一年半之前，价钱无加，但整体质素比上次差。一如以往，叫大蛇羹加糯米饭套餐，有蛇汤送。蛇羹望落都有唔少𩠌：肉、笋、木耳同雪耳。蛇羹入口，feel倒个献好杰，而且系唔热，只系微暖。肉嘅份量都可以，只系蛇肉比例上较猪肉少，而且无乜咬口。糯米饭好湿，似系落咗好多老抽加色，而且口感似粘米多过糯米。糯米饭基本上系无乜𩠌，但可以加钱配腊肠。但原来系可以问店员免费加花生送饭，不过我系食晒成碗饭见有其他客人问先知道。估唔到今次最好味嘅竟然系唔使钱嘅蛇汤，热辣辣又有老火汤味道(虽然我饮唔出有咩药材)。帮衬咗蛇王海好多年，今次觉得真系唔得，质素极待改善(起码喺食物温度方面)。希望下次再帮衬可以有番以前嘅水准。