河內越式料理

营业中

休息中

越南菜喺香港非常普遍，我自己觉得河内越式料理系其中一间性价比高嘅越南餐厅。今日同朋友嚟到尖沙咀分店食晚饭，主菜加小食加饮品都系$100以下。- 会安鸡丝捞檬河内越式料理既捞檬可谓以量取胜，鸡丝多到覆盖左半个碗。其他配料都好丰富，包括青瓜丝、萝卜丝、花生碎、油拌青葱碎等等。鱼露味道比较清甜，啱晒而家咁热既天气👍🏻- 顺化蕃茄蟹肉扎肉汤檬汤檬非常大碗，中间有好多鲜甜既蟹肉，番茄汤底非常浓郁，酸酸甜甜够晒开胃，檬粉份量多，而且好索汁，仲有其他配料包括扎肉、豆卜同芽菜。- 越式炸虾饼虾饼切开左四份，肉质弹牙，点埋甜辣酱仲惹味。- 越式猪颈肉猪颈肉好大片，外皮香脆，但肉质太烟韧，唔系好咬得开🤔越式饮品当然唔可以错过，我地叫左越式青柠冰同热情果梳打，非常大杯，消暑一流。