越．男

营业中

休息中

今日到访湾仔哩间越南小店。唔似平时嘅餐厅，只供应几款主菜同小食。越南法包系心头好，二话不说就拣左香茅猪扒法包。即叫即整，所以要等。法包又脆又热，馅料爆满。首先香茅猪扒炸得酥脆，味道刚好。除左猪扒，仲有扎肉，萝卜丝，莞茜。系香港食过至正嘅法包。一定要亲热食呀！另外试左好多人推介嘅越南海南鸡饭。份量偏细，女孩子都系刚刚好。鸡件几滑，已经无骨，方便食。而油饭几香，但唔会似平时食开嘅咁油，light d。小食嘅牛油鸡翼亦十分脆口，木瓜沙律系唔辣嘅，酸酸地，几开胃。餐厅细细间，食物精而不滥，推介俾喜欢越南小吃嘅各位！