越男仔

营业中

休息中

其实都唔系话好晏先去食，大约一点左右，都已经冇晒海南鸡同海南鸡髀，真系有啲失望。等左30分钟，终于有得坐。一上枱就黎左2杯野饮解渴，速度都算快。之后，叫咗一个皇牌3+2捞檬，HKD 63。佢里面有好多唔同材料，包括手撕鸡、猪颈肉丝、脆猪肉、扎肉丝、烤牛肉。每一样都几有惊喜，其中最好食系脆猪肉！虽然佢细细粒但系味道好特别。系我会回头再食嘅选择。镇店四鸟椰汁酸汤檬粉，HKD 80。老实讲啦，虽然支持良心小店，但系佢真系唔好食。上面𠮶块鸡皮系唔错，但系就仅限于此。佢嘅香脆鸡同埋滑鸡件都唔好食，手撕鸡正常。本身谂住叫海南鸡髀，因为冇晒先至改叫呢个，但系如果佢啲鸡搞成咁，都令我担心海南鸡髀好唔好食。同啱先𠮶个3+2相差好远，唔系特别推荐。