LE BAR (宜必思香港中上環酒店)

营业中

休息中

朋友生日， 约咗食西餐，呢间餐厅系喺酒店内。 呢度环境虽然系好宽敞， 但因为佢用咗红色窗帘布， 感觉好古怪， 令人觉得好唔舒服。 同埋唔够冷气，感觉好热， 食到流哂汗。等左一阵间，各自点咗自己想食嘅菜式， 另有餐汤或者沙律附送。餐汤系南瓜蕃薯汤， 感觉似咸味蕃薯糖水，古怪。 沙律用左火箭菜为主，好苦，未必人人啱。 我地叫了一份三文鱼沙律，三文鱼嘅颜色令人感觉好似唔系好够新鲜，但沙律菜就清甜爽脆。 一份鲈鱼菠菜甜椒汁，鲈鱼够香口， 有一条好细嘅甘笋仔放喺鱼既上面，令卖相相当可爱。 至于龙虾汤带子意大利饭， 有五只带仔，全部大大只，净食带子已饱了。个饭就食唔得出有龙虾汤味。虽然望落去好似好细碟， 原来再加埋啲芝士，食完之后觉得好滞。最后再送 甜品……朱古力蛋糕，甜咗少少，其实好好味的。