芽莊越式料理

营业中

休息中

约咗朋友放工喺新世纪睇戏，我地睇9点场，趁仲有时间就即刻揾间餐厅坐低食个饭先。由于我地当日都几早，七点左右就到，经过芽庄见门口未有人等位，我地又ok越南嘢，就抱住一试无妨嘅心态就入咗去。佢地本menu入面好多选择，仲有大量图片，睇到样样都想试。薄饼煎得香脆，入面主要包住猪肉同虾，连伴碟嘅生菜/九层塔一齐食，可中和返多肉带嚟嘅漏滞感。蕃茄汤底真材实料好香浓鲜味，我地忍唔住饮哂全碗汤。檬粉煮得适中，唔会太软身。见到藕苗几特别就叫嚟试下，藕苗貌似莲藕bb版，口感爽脆冇渣，食落soksok声，配埋酸尾尾汁，更显清甜清新。其实则系鸡丝沙律，不过鸡丝略嫌太干身，另外沙律汁唔够，令到个沙律好似有一阵草青味咁。有4只，4个人食，一人一只都够哂，外皮炸得脆口，仍保持到入面嘅肉汁同肉质嫩滑，虽然热气但好好味。*****餐厅位置方便，于旺角东站上盖，坐位舒适，但餐厅入面比较嘈，同埋有用餐时间限制，想倾计聚会就唔系几适合。不过胜在上菜速度都几快，好啱睇戏前快速食饭。