影片
更多
2023-06-30
253 浏览
嚟上环买甘草柠檬，顺便食埋饭先返屋企。喺路口见到有间「俊轩越南餐厅」，驻足细看，晚市有汤檬、法包、海南鸡饭等供应，选择都几丰富，一于试下。店舖地方不大，只有 8 个座位，但内在环境不俗，装潢简洁明亮，配衬墙上嘅斗笠，洋溢著越南风情。先嚟一客鲜虾米纸卷 ($72)，米纸晶莹剔透，内里包裹著鲜虾、扎肉、牛油果、檬粉和生菜等，虾只弹牙味鲜，扎肉爽口，加埋软滑嘅牛油果，清新解腻。鹅肝酱猪颈肉法包 ($72) 法包烘到外脆内软，入面夹满了烤至焦香嘅猪颈肉、爽脆腌萝卜丝、青瓜等馅料，再加上香浓秘制肝酱，份量十足，非常惹味。另外仲点咗半只招牌海南鸡 ($90) 配 盐油黄姜饭，海南鸡卖相好吸引，鸡皮爽弹唔肥腻，鸡肉超级嫩滑，加上已全部去骨，啱晒钟意啖啖肉嘅懒人！碗盐油黄姜饭水准亦唔错，米身偏长，入口带浓郁米香，软熟不黏，以海南鸡伴吃，味道一流！饮品点咗柠檬可乐 ($25) 同 咸梅青柠梳打 (跟法包+$10)，柠乐够气够味，入口透心凉。青柠梳打好 fresh，加上酸咪咪嘅咸梅，滋味又清新。
嚟上环买甘草柠檬，顺便食埋饭先返屋企。喺路口见到有间「俊轩越南餐厅」，驻足细看，晚市有汤檬、法包、海南鸡饭等供应，选择都几丰富，一于试下。
店舖地方不大，只有 8 个座位，但内在环境不俗，装潢简洁明亮，配衬墙上嘅斗笠，洋溢著越南风情。
先嚟一客鲜虾米纸卷 ($72)，米纸晶莹剔透，内里包裹著鲜虾、扎肉、牛油果、檬粉和生菜等，虾只弹牙味鲜，扎肉爽口，加埋软滑嘅牛油果，清新解腻。
鹅肝酱猪颈肉法包 ($72) 法包烘到外脆内软，入面夹满了烤至焦香嘅猪颈肉、爽脆腌萝卜丝、青瓜等馅料，再加上香浓秘制肝酱，份量十足，非常惹味。
另外仲点咗半只招牌海南鸡 ($90) 配 盐油黄姜饭，海南鸡卖相好吸引，鸡皮爽弹唔肥腻，鸡肉超级嫩滑，加上已全部去骨，啱晒钟意啖啖肉嘅懒人！
碗盐油黄姜饭水准亦唔错，米身偏长，入口带浓郁米香，软熟不黏，以海南鸡伴吃，味道一流！
饮品点咗柠檬可乐 ($25) 同 咸梅青柠梳打 (跟法包+$10)，柠乐够气够味，入口透心凉。青柠梳打好 fresh，加上酸咪咪嘅咸梅，滋味又清新。
张贴
