傷心酸辣粉 (已結業)

心血来潮，突然好想食辣嘢，放工约埋男友大人去一直好想试嘅伤心酸辣粉买外卖。(因小女子一食辣嘢就会无限爆汗，所以喺屋企食冇咁失礼)一去到都大概7:00，个场都系唔爆，仲有好多枱...不过唔好理咁多....睇吓个餐牌先....小食都好多款吓...而且仲有餐类，好目不暇给，经过我同大人一轮拉锯战...决定叫酸辣粉(中辣)、夫妻肺片(中辣)、蒜泥白肉同泡椒翼尖。一返到屋企，搅一轮都隔咗成大半个钟先开餐，因为外卖容器系可以入微波炉，所以叮番热个酸辣粉，而其他都冷盘。先讲个酸辣粉，虽然真系索晒啲汤，比较胀而且仲冇咁弹牙，不过味道仍然非常之好，酸辣味好够，麻度十足，而且里面仲有啲肉碎、花生同炸菜真系好野味，连唔怕辣嘅大人都赞不绝口，一边食一边话辣得好爽。夫妻肺片有爽爽牛肚丝、牛脷片、牛"月展"同啲辣油、辣粉、香料同大量芝麻捞埋，辣味感觉直接上头，即时标汗....蒜泥白肉好香蒜味，带小小甜味，肉质香滑柔软，不过略嫌啲蒜泥唔够蓉，有啲仲系粒状，影响口感。泡椒翼尖初时食落只有酸酸哋同只有辣椒香...不过唔洗5秒啲辣就由脷尖涌入喉咙，应该系青色嘅沉泡辣椒发挥作用.....真系好滋味。成晚真系越食越兴奋，汗不