BRICK LANE (中信大廈)

营业中

休息中

万圣节就黎喇，见Brick Lane个halloween menu啲菜式名几得意，所以就决定试下！呢杯cocktail叫地狱之火-烧棉花糖鸡尾酒，听个名都知有气势啦！嗌呢杯野有表演睇架，佢本身个面有好大旧棉花，店员会开个火烧一烧啲香料，然后就将蕃茄汁倒入杯酒，少少甜，有啲西柚味，几易入口。邪恶南瓜忌廉汤，好绵，好有满足感，味道带甜。火焰美国顶级牛肉汉堡，呢个都系halloween menu既菜式，所以都有表演睇！店员送上时会用火枪加啲酒烧下个burger，成个著晒火架，当表演睇都几开心！味道方面，个牛肉汉堡扒好足料，厚切有口感，side dish配既系鱿鱼酥，一啲都唔韧，好香口！甜品嗌左木乃伊南瓜挞，高质㖞，拎黎平时卖都得！个样好cute之余，唔会过甜，食到一丝丝既南瓜，size几好，唔会食到好济。除此之外仲嗌左个烧北海道带子沙律，Brick Lane d salad真系好出色，带子好大粒，轻轻煎过表面，入面keep住嫩滑，配上芒果粒，牛油果，蕃茄粒，酸酸地，非常开胃。Main course仲嗌左个羊架，非常juicy，唔会过膻羊味，配埋个汁好夹。