Vie Won Won (已結業)

Bookmark左好耐终于约到朋友同我去「鬼混」👻之前喺铜锣湾店食过一次，环境装修都好特别，整古做怪，食物质素都唔错👍🏻之前由铜锣湾搬咗去西环，地点都算方便，香港大学站一出就系，菜式同埋全新嘅布置都有唔同，呢晚终于可以试吓～餐厅成个设计有啲似古宅，灯光暗暗地有啲阴森嘅感觉，周围都有啲好趣怪嘅布置，墙上面呢海报都几有意思，入左餐厅后上一层，楼梯都有好多挂画，啱晒打卡📷我哋都忍唔住影返几张合照👯‍♀️首先叫左杯Prosecco chill下🥂呢到仲有唔同类型既酒，唔想饮酒都仲有劲多款特饮，叫返杯饮下倾下计都好正。小食要左炸西兰花苗，炸得几酥脆，有几款酱可以拣，要左XO酱，似他他酱多啲。另一个蚬系冷盘，店员话当日转左做青柠汁，酸酸甜甜咁劲开胃！主食要左龙虾沾面，龙虾肉好爽口，如果话系沾面我觉得比较似捞面🤣啲汁已经捞好晒，都几香龙虾味，粗身既面条好有咬口。两个人share都够食。最后甜品叫咗迷幻蘑菇🍄都系期待已久，而且抱着试伏的心态🤣上枱时相机ready店员打开玻璃盖，有烟走出黎，做咗迷幻嘅感觉😂底下，黄色部份系热情果味慕丝，上面红色菇的外层有少少麻辣的感觉，入面系红苺味，好特别😳🔸炸西兰花苗配