毫無分串陀地串燒酒場

营业中

休息中

呢间在铜锣湾TOWER 535和世贸中心对面新开餐厅，晚市主打串烧，中午有烧猪、牛、鸡饭嘅午餐。试食惹味烧鸡扒饭，虽然碗上，但份量十足，一定饱肚。面铺一层三眼(即三只煎蛋)，仲要煎到㶶边，蛋黄流心。中间鸡扒系烧出嚟，唔系茶记𠮶啲半煎炸做法，肉质咬开有肉丝，唔系出面好多松肉粉、超弹牙𠮶种。伴有几大条菜芯。成个饭都系热嘅，即叫即制，唔系预制叮翻热。套餐连一杯热饮，都系62，好过去食茶记多多声。装修以本地文化和广东歌为主题，只播广东歌，好有亲切感。待应都好友善。