海港酒家

营业中

休息中

今日喺天水围睇完医生，去咗T Town间海港酒家打边炉，见佢门口写住冇限时，又有一个海鲜拼盘，就入去坐吓。一坐低，就攞咗个萝卜猪骨锅汤底，跟住嚟埋个海鲜盘，有六款海鲜咁多。仲有特级安格斯肥牛、巨型水饺王、同埋豪皇鲍鱼鹅掌各一份。我哋先食咗汤底入边啲肉同埋碟鹅掌，跟住就开始叫火锅配料打边炉。佢哋啲配料都好多款，有黑豚肉、猪肚猪皮、鹅肠、鸭红、鲜虾滑、同埋各式丸类。烚到咁上下，就开始叫啲蔬菜，所有肉类同埋蔬菜都好新鲜，6款海鲜就每日都未必一样，睇吓厨师点样发办。最特别佢哋仲有红薯粉，食到个肚胀卜卜。