烤魚世家雞煲火鍋

营业中

休息中

翻风转冷嘅日子总会想食一啲暖笠笠嘅嘢。火锅觉得太油腻，任食自助餐又好邪恶，烤鱼似乎系一个唔错嘅选择。见到呢间烤鱼世家咁多好评就决定嚟试一试。叫咗一份沙巴龙趸烤鱼，加一份牛颈脊同乌冬。好彩冇嗌太多嘢，因为烤鱼份量真系超级大份！我食唔到好辣，就拣咗个蒜香味汤底。条沙巴龙趸真系好大条，有成个盘咁长。另外仲有豆卜、洋葱、芫荽、娃娃菜、芽菜做配料。条鱼新鲜，肉质弹牙，即使喺个火锅度烚咗一个钟，食落口依然好有口感。至于牛颈脊，都算中上，唯独师傅刀工唔太好，切片不均匀，有厚有薄，有时令到啲肉韧。但整体好食，非常推介。呢个价钱系酒楼都未必食到咁大条沙巴龙趸。又一性价比高之选。