百味堂 (已結業)

百味堂上个月喺铜锣湾希慎开左期间限定店，不过作为新界人，过海还得择日，见佢近近地开左分店喺海港城，就揾个假日去试试。新店设有少量座位可供堂食，接近自动电梯位置，人流甚旺。不过空间有限，当日假日前往，客人颇多，但由于以轻食为主，一般唔会占座太耐，所以我地都耐心等候一阵。餐牌供应招牌牛奶雪糕及多款配搭、奶昔、咖啡、面包、多士等，雪糕定价$48-78。比较多人介绍系呢间分店限定嘅芒果牛奶雪糕，所以我地都点左一杯，朋友就拣左抹茶、朱古力味雪糕。其实我食雪糕就唔需要特意揾个位坐，不过天时暑热，我地想手机食先，会比较方便。新鲜芒果牛奶雪糕 $78虽然定价稍为进取，但亦吸引不少人打卡。强调使用原个吕宋芒配搭牛奶雪糕、并加入鲜芒果打成的果酱制作，新鲜足料芒果香甜无渣，面头保留果肉，雪糕、芒果比例适中，果甜混合奶香，消暑呢。牛奶雪糕比起雪糕筒装融得快，拍照后都要尽快享用。济洲抹茶意大利芝士牛奶雪糕 $78雪糕呈招牌形状，较芒果杯扎实，融化速度冇咁快。雪糕底沾上espresso的手指饼，再加入抹茶酱、抹茶粉、黄豆粉，类似tiramisu形式。牛奶雪糕一贯香浓，冰感较重，由于只系洒上抹茶粉，所以唔抢牛奶风头