影片
更多
2024-10-01
505 浏览
位于荃湾大鸿辉的牛大人，最近推出嘅日本黑毛和牛A4+套餐，劲吸引差唔多$500就可以食到和牛任食，所以屋企只🐯👩🏼都唔放过减紧肥嘅我。🍲套餐选择我今次拣咗日本黑毛和牛A4+套餐，套餐包括日本黑毛和牛A4+、伊比利亚黑毛猪梅肉、鲜甜鲍鱼、古法醉鲍鱼、炭烧盐葱鲍鱼同埋柚子烧鲍鱼，真系每一口都好享受！特别系黑毛和牛，肉质滑嫩，油花分布均匀，入口即溶，另外，鲍鱼系列各具特色，无论系盐葱或者柚子烧，味道都好鲜甜，但系最特别嘅系炸鲍鱼，值得一试。值得一提既系，每人仲会送两粒澳洲和牛牛丸，牛丸弹牙，味道十足。除咗牛丸之外套餐仲会有海鲜拼盘（鲍鱼、蛏子、生蚝）海鲜嘅质素都唔错。🍲锅底选择我拣咗鸳鸯锅，鱼白汤三文鱼豆腐锅/剥皮辣椒鸡锅。鱼白汤清甜，配合三文鱼同埋豆腐，简直系完美；而剥皮辣椒鸡锅就带有一丝微辣，令人食得过瘾！🍤🍻小食同饮品小食方面，我特别推介傻蛋墨鱼丸，净系闻到味道已经令人食指大动。至于饮品，选择实在太多！我选咗大受欢迎的冷泡茶，试咗白桃乌龙，茶香浓郁，清新又解渴。啤酒方面，少爷啤和hoegaarden蜜桃白啤都系好选择，再加上台式特饮如鸭屎香柠檬茶，味道独特，值得一试。依家仲特别推出咗乳
🍲套餐选择
我今次拣咗日本黑毛和牛A4+套餐，套餐包括日本黑毛和牛A4+、伊比利亚黑毛猪梅肉、鲜甜鲍鱼、古法醉鲍鱼、炭烧盐葱鲍鱼同埋柚子烧鲍鱼，真系每一口都好享受！特别系黑毛和牛，肉质滑嫩，油花分布均匀，入口即溶，另外，鲍鱼系列各具特色，无论系盐葱或者柚子烧，味道都好鲜甜，但系最特别嘅系炸鲍鱼，值得一试。值得一提既系，每人仲会送两粒澳洲和牛牛丸，牛丸弹牙，味道十足。除咗牛丸之外套餐仲会有海鲜拼盘（鲍鱼、蛏子、生蚝）海鲜嘅质素都唔错。
🍲锅底选择
我拣咗鸳鸯锅，鱼白汤三文鱼豆腐锅/剥皮辣椒鸡锅。鱼白汤清甜，配合三文鱼同埋豆腐，简直系完美；而剥皮辣椒鸡锅就带有一丝微辣，令人食得过瘾！
🍤🍻小食同饮品
小食方面，我特别推介傻蛋墨鱼丸，净系闻到味道已经令人食指大动。至于饮品，选择实在太多！我选咗大受欢迎的冷泡茶，试咗白桃乌龙，茶香浓郁，清新又解渴。啤酒方面，少爷啤和hoegaarden蜜桃白啤都系好选择，再加上台式特饮如鸭屎香柠檬茶，味道独特，值得一试。依家仲特别推出咗乳清蛋白荔枝特饮，连打边炉都可以protein自由🤣
🍨甜品
餐后我仲有尝试台中仙草冻，清凉可口，完美结尾。而Movenpick任食冰淇淋更系令人惊喜，口味多样，包括瑞士朱古力、士多啤梨、曲奇、云呢拿同焦糖，选择困难症都会被满足！
🤑优惠情报
最后，星期一至四如果持有恒生信用卡选择极上和牛套餐，仲可以享九折优惠，真系非常抵食！
回头率90%
张贴
