Saravanaa Bhavan (已搬遷) 新店位置

去尖沙咀食印度野通常都会谂起去重庆大厦，今日朋友就带我去试下重庆以外既印度餐，餐厅位于亚士厘道楼上铺。menu有好多选择，最后点左1. 1份特制套餐 2.Naan 3.印度洋葱烤饼 一齐share特制套餐包10小碟印度特色食品，印度米，炸饼，煎饼同麦饼。10小碟有几款咖喱，每款都系素咖喱但就用唔同蔬菜为主，有南瓜薯仔咖喱相比起其他无咁辣带少少甜，鹰咀豆咖喱味香浓送饭或配簿饼都好味。当中有2碟白色既小碟问过店员原来系乳酪，系用黎化解咖喱辣味，当食到觉得太辣就可以饮一啖乳酪，而较杰身既乳酪就可又用簿饭沾上乳酪去食。当中有碟小蕃茄汤酸酸辣辣几开胃！入面有碟红色既原来系红菜头沙律，红菜头好甜，配上带有小小酸既汁可以中和下咖喱味。入面有份系印度人特色甜品，用糖水将炸过面粉团浸住。炸饼好似中式煎堆咁，新鲜炸起，热辣辣👍🏻簿饼都几香小麦味，松软烟烟靭靭，点咖喱吸晒咖喱汁好香。Naan大大块又烤得唔油，干脆，洋葱烤饼洋葱系用紫洋葱，紫洋葱份量好足，每一啖都食到紫洋葱。最满意系所有印度烤饼都系即叫即制唔会放好耐，一定可以食到新鲜又热即印度饼。