三田製麵所 (K11購物藝術館)

营业中

休息中

早排系网上见到有另一间店推出新口味沾面嘅片，勾起咗我想试沾面嘅念头。本身系打算帮衬个间，但后尾发现价钱唔算平，而且睇食评话个间现时嘅收费愈嚟愈怪。安全起见，都系揾过另一间正常啲嘅沾面店过下口瘾就算。-浓香豚骨鱼介沾面(210g)第一次食沾面嘅我仲以为汤底同普通拉面差唔多，但原来系浓稠好多。汤底咸香浓烈，基本上将面蘸少少汤已经好够味。仲可以选择要咩份量嘅面，一共分为4个大小，我拣咗中size，但份量都几多。对女仔而言，可能拣细份已经够饱。亦可以拣冷面或者热面，冷面口感几烟韧有弹性。-章鱼丸子一共有5粒章鱼小丸子，比起街边个啲同日本食到个种系细粒啲，但味道又出乎意料唔错。入口热辣辣，但外皮煎得好焦香脆口，好似食紧大阪烧外皮嘅感觉。馅料软糯，粉浆味唔算太重，章鱼粒弹牙。