輝哥私房菜 (已結業)

辉哥私房菜 适逢朋友啱啱考完试，唔使再系自修室日日坐监，于是我地几个约出黎打边炉。虽然系尖沙咀打边炉嘅选择好多，但大多数火锅店唔系限时兼质素一般，就系太贵，系Openrice见到辉哥私房菜新开，价位又好似ok，就胆粗粗就黎试下。 火麻茶呢款凉茶店员强烈推介我地去饮，因为火麻茶有下火、降脂以及去宿便嘅作用，加上甜甜地又带少少凉茶味，无论系功效上心理上都对准备大饮大食嘅我地非常适合。 足料猪骨锅唔系讲笑，呢个猪骨锅足料到我以为叫咗煲汤。除咗猪骨之外，仲加咗好多蔬菜，成个汤底除咗有黑椒以及猪骨味，仲有鲜甜清爽蔬菜味，冇平时黑椒猪骨锅咁燥热（好似系）。 新鲜鸡件可惜冇问到佢地系用咩鸡，鸡件嫩滑又唔会太肥，较啱时间滚起就食啱啱好，又唔会搞到成部都系鸡油。 特级安格斯牛颈脊虽然佢呢度都有提供本地手切肥牛，但系唔系间间嘅火锅店提供嘅本地肥牛嘅质素都系咁好，所以我哋都系叫特级安格斯牛颈脊。但就算系安格斯牛，每一块牛颈脊都切到厚度均匀但又唔会太薄，脂肪嘅比例啱啱好而且又重牛味，比预期好食好多。 手打芝士鲜虾丸呢个鲜虾丸真系不得了，虾滑爽口弹牙，煲极都唔会佬，加埋芝士粒，令到每一啖都激邪恶。又系必点之选。