影片
更多
2020-06-09
490 浏览
近年十分流行食石烧牛呢样野，睇番之前嘅潮流，应该大概兴咗半年至一年左右？好耐冇去荃湾喇，今次见得闲所以去行吓，其实最终目的系谂住去路德围戈边扫街，不过戈边食正餐就真系比较少，所以都系要去番远少少食正餐。行到去荃湾广场附近，竟然揾到一间石烧牛店，仲要大排长龙，系名符其实嘅人气店呀。为咗令客人更了解牛肉嘅味道系点，餐厅仲突登整张牌出黎，有讲明牛肉边个部位嘅味道系点样嘅，客人就可以随心选择自己想食嘅牛肉款式。牛肉嘅种类都几多㗎，足足有6款，比较贵嘅系小牛柳同埋日本A5和牛腹，最贵戈款真系日本牛黎㗎，其他款式就分为200、300同埋400g，如果钱真系肚饿嘅话应该至少都叫300g。另外我地平时食石烧牛多数都系就咁食块牛，冇乜其他野食、野饮，呢道有5选3套餐，饭、薯条、汤、沙律同埋饮品拣3款都系讲紧加$30咋，绝对抵食！首先黎嘅系汤，就算系汤都整得吾马虎，事先店员已经有讲明汤会系三文鱼南瓜汤，见到个碗仲以为系面豉汤😂好容易会令人有错觉哈哈。饮落就知道真系三文鱼南瓜汤，三文鱼味都几明显，重点系吾腥，好清甜美味，饮得出入面都加咗几多南瓜，好健康呀。连薯条都做得吾马虎呀，开头以为会系某间连锁快餐店嘅薯
为咗令客人更了解牛肉嘅味道系点，餐厅仲突登整张牌出黎，有讲明牛肉边个部位嘅味道系点样嘅，客人就可以随心选择自己想食嘅牛肉款式。
牛肉嘅种类都几多㗎，足足有6款，比较贵嘅系小牛柳同埋日本A5和牛腹，最贵戈款真系日本牛黎㗎，其他款式就分为200、300同埋400g，如果钱真系肚饿嘅话应该至少都叫300g。另外我地平时食石烧牛多数都系就咁食块牛，冇乜其他野食、野饮，呢道有5选3套餐，饭、薯条、汤、沙律同埋饮品拣3款都系讲紧加$30咋，绝对抵食！
首先黎嘅系汤，就算系汤都整得吾马虎，事先店员已经有讲明汤会系三文鱼南瓜汤，见到个碗仲以为系面豉汤😂好容易会令人有错觉哈哈。饮落就知道真系三文鱼南瓜汤，三文鱼味都几明显，重点系吾腥，好清甜美味，饮得出入面都加咗几多南瓜，好健康呀。
连薯条都做得吾马虎呀，开头以为会系某间连锁快餐店嘅薯条款式😂🙊原来系粗薯条，估吾到薯条都整得几好，佢地整得吾油腻，同埋食落口仲好脆身，份量就正常啦。
终于轮到主菜喇，首先叫咗份牛侧腹扒，就咁睇落已经非常大件，牛侧腹系连接牛胸同埋牛腹嘅部位。口感丰富，咬落口真系非常有嚼劲，肉汁好丰富，绝对吾会系干峥峥戈只，不过个人认为比较适合中意有咬口质感食物嘅人，对我黎讲就好似有小小偏硬。
牛侧腹扒
$128
29 浏览
0 赞好
0 留言
里面仲系粉嫩嘅颜色，好吸引呀爱牛之人必定会中意，本身牛肉嘅生熟度系1成，客人可以因应自己嘅喜爱程度喺石板上调节牛肉嘅生熟度。
另外一款主菜叫咗小牛柳，相比起牛侧腹扒，小牛柳会比较适合我多啲，之所以咁中意食系因为佢系牛肉嘅肩胛位，向来去亲啲日式烧肉店都好中意食牛肩胛肉。牛柳吾算好薄，同时可以锁住肉汁，肉质十分鲜嫩软稔，啱晒我呢啲中意啲肉软啲嘅人。由于小牛柳系少油同埋低脂肪，所以好适合减紧肥嘅人。
小牛柳
$138
15 浏览
0 赞好
0 留言
张贴
