影片
更多
2019-11-18
217 浏览
在众多香港地道美食， 偶然都会谂起车仔面 ，而且 来来去去都系去返自己食开𠮶几间， 怕中伏而且车仔面可以好专业， 唔系填饱个肚咁简单。这天我们到了 观塘《B哥车仔面》， 之前经过现在终于有机会可试。 餐厅企理干净 ，仲有部大电视， 一边仲有吧台嘅座椅！ 一啲都唔觉得迫喼。因为车仔面瘾发作， 唔理咁多想食就剔。我拣了幼面， 好幼细而且冇碱水味。 材料好丰富， 咖哩鱼蛋猪皮够入味唔会净系得咖哩色。 猪大肠亦好软熟，不过就偏肥𠮶种。 坊间少有嘅粉肠也有， 可惜当日售罄。卤水翼尖够晒腍！ 辣腩肉和牛腩味道唔错，都系好淋好入味。 咖哩鱿鱼够爽弹！ 韭菜饺和鱼皮饺则普通了一点。 鸡翼唔会炊到烂晒， 卤水味甘香。墨鱼丸和牛牛丸，每款𩠌都只有两粒， 又觉得少了一点。汤底可以选小辣或者走辣都可以， 我选了小辣。 原来会舀上 一小羹好稠嘅酱汁， 轻轻搅拌汤底即时变辣。 觉得口味比较浓和好重嘅八角味， 加多一点沙爹或者甜味会更加平衡！奇怪唔知点解冇叫每次必吃的猪红，定系卖晒？！跟餐加七蚊就有饮品，加$14 仲有特饮。咸柠七和青柠梳打， 味道唔够浓，不过够冰冻清凉， 吃那渣面真系不能缺少冻饮～屋企人分别拣咗伊
在众多香港地道美食， 偶然都会谂起车仔面 ，而且 来来去去都系去返自己食开𠮶几间， 怕中伏而且车仔面可以好专业， 唔系填饱个肚咁简单。
这天我们到了 观塘《B哥车仔面》， 之前经过现在终于有机会可试。 餐厅企理干净 ，仲有部大电视， 一边仲有吧台嘅座椅！ 一啲都唔觉得迫喼。
因为车仔面瘾发作， 唔理咁多想食就剔。
我拣了幼面， 好幼细而且冇碱水味。 材料好丰富， 咖哩鱼蛋猪皮够入味唔会净系得咖哩色。 猪大肠亦好软熟，不过就偏肥𠮶种。 坊间少有嘅粉肠也有， 可惜当日售罄。卤水翼尖够晒腍！ 辣腩肉和牛腩味道唔错，都系好淋好入味。 咖哩鱿鱼够爽弹！ 韭菜饺和鱼皮饺则普通了一点。 鸡翼唔会炊到烂晒， 卤水味甘香。
墨鱼丸和牛牛丸，每款𩠌都只有两粒， 又觉得少了一点。
汤底可以选小辣或者走辣都可以， 我选了小辣。 原来会舀上 一小羹好稠嘅酱汁， 轻轻搅拌汤底即时变辣。 觉得口味比较浓和好重嘅八角味， 加多一点沙爹或者甜味会更加平衡！
奇怪唔知点解冇叫每次必吃的猪红，定系卖晒？！
跟餐加七蚊就有饮品，加$14 仲有特饮。
咸柠七和青柠梳打， 味道唔够浓，不过够冰冻清凉， 吃那渣面真系不能缺少冻饮～
屋企人分别拣咗伊面（另加$3）同油面～ 伊面感觉好吸汤～
红肠好好味， 白萝卜好入味好甜， 配咖哩鱿鱼真系冇得输。 佢嘅菜心系超级粗壮！
泰式虾饼小食， 即叫即炸热辣辣！
通常食完车仔面会觉得好口渴， 但这里吃完回家并不特别口渴， 感觉没有强劲嘅味精或者过咸， 很赞！
张贴
