影片
更多
2018-03-19
1612 浏览
几乎每天途经的柯士甸道一直带畀我冇嘢好食嘅印象，整整十分钟路程只有三、四间相隔甚远嘅餐厅，估唔到喺觉士道转个弯又系另一番光景。德成街好短，但两侧食店林立，各有风格。今次嚟嘅呢间cafe午市人流颇多，装潢予人悠闲写意之感，但难得lunch break，食客比起恬静似乎更珍惜畅所欲言嘅自由。厨房小小，食物即叫即制，店员忙得喘不过气来，为cafe更添一份热闹。午市选择颇多，当中韩式手撕鸡汉堡伴红菜头最具特色。面包边位烘脆，但因为够厚身，内层仍然松软。一向唔太钟意韩酱偏甜过漏嘅味道。但呢道嘅手撕鸡腌得干身，味道唔会过浓，微辣、少甜，恰到好处。即使系汉堡专卖店一般都只会用上片装芝士，当然，品质会有高低之分，但好似呢度咁用上厚身，看似由件装芝士切出嚟嘅，就真系好少见。红菜头嘅清甜为汉堡带来小清新。法式红酒烩牛肋条长通粉嘅酱汁系整道菜嘅焦点。鲜甜且带牛肉香，唔会过杰/过稀。牛肋条切得大块，但部份带筋，有点难咬开。不过相当入味，亦无overcooked。柚子醋沙律向来都系冇得输嘅配搭。沙律亦相当大份，一个人应该食唔晒。作为cafe，糕点种类比较少，款式比较传统。Dark Brownie摆盘之精致与$2
德成街好短，但两侧食店林立，各有风格。今次嚟嘅呢间cafe午市人流颇多，装潢予人悠闲写意之感，但难得lunch break，食客比起恬静似乎更珍惜畅所欲言嘅自由。
厨房小小，食物即叫即制，店员忙得喘不过气来，为cafe更添一份热闹。午市选择颇多，当中韩式手撕鸡汉堡伴红菜头最具特色。
韩式手撕鸡汉堡伴红菜头
$78
19 浏览
0 赞好
0 留言
面包边位烘脆，但因为够厚身，内层仍然松软。
一向唔太钟意韩酱偏甜过漏嘅味道。但呢道嘅手撕鸡腌得干身，味道唔会过浓，微辣、少甜，恰到好处。
即使系汉堡专卖店一般都只会用上片装芝士，当然，品质会有高低之分，但好似呢度咁用上厚身，看似由件装芝士切出嚟嘅，就真系好少见。
红菜头嘅清甜为汉堡带来小清新。
法式红酒烩牛肋条长通粉嘅酱汁系整道菜嘅焦点。鲜甜且带牛肉香，唔会过杰/过稀。
法式红酒烩牛肋条长通粉
$88
23 浏览
0 赞好
0 留言
牛肋条切得大块，但部份带筋，有点难咬开。不过相当入味，亦无overcooked。
柚子醋沙律向来都系冇得输嘅配搭。沙律亦相当大份，一个人应该食唔晒。
柚子醋田园沙律
$68
22 浏览
0 赞好
0 留言
作为cafe，糕点种类比较少，款式比较传统。
Dark Brownie摆盘之精致与$29价钱不成正比~Brownie 相当大块，外层烘得轻薄脆身。朱古力味浓，但dark cho嘅甘苦味仲系差咁啲，内层亦可再暖一啲。意想不到嘅系cream打得十分出色。忌廉味重，但因为冇用上太多牛油，食落口轻盈软滑，配上brownie令人胃口大开。
Dark Brownie
$29
9 浏览
0 赞好
0 留言
咖啡款式多，当中不少系特色咖啡，但用豆讲究嘅精品咖啡亦系cafe嘅主打。
我唔系「品味咖啡」嘅人，庆幸自己系一个几享受甘苦味嘅人，饮黑咖啡绝唔会叫苦连天。
Floral Garden系一份taste set，坦白讲未有道行去品评。
两杯咖啡温度唔同，唔似连锁咖啡店一味煲热咖啡。点餐时见到其他客人嘅咖啡拉花，几乎冇撞款。
带果酸味，但唔苦涩。
呢杯相对绵滑得多。个人嚟讲希望咖啡能够再苦一啲。
整体嚟讲主食、甜品比咖啡更吸引。
点餐时听到咖啡有分花香同果香，店员好用心解释，但当中唔少客人都同我一样系咖啡外行人。希望将来有啲「惜啡」之人，试试佢哋嘅咖啡，再分享吓佢哋用心冲调嘅咖啡系咪真系特别好饮~
张贴
