寿司大 (已結業)

星期日悠悠闲闲，就嚟食个lunch~餐厅装潢都有日式风格，有淙淙流水声陪你食午餐，仲有吧台位。海胆军舰＄32 - 海胆质素OK，胜在海胆够多。食落好满足。粟米沙律军舰＄10 - 沙律酱唔够多，粟米亦唔甜，好一般甜虾蟹羔军舰＄20 - 虾唔算大但蟹羔多，几片青瓜令到个寿司清新啲，都算几好食。特大三文鱼寿司$14 - 质素一般，胜在够长。三文鱼腩寿司$20 - 三文鱼油脂丰富，不过就真系薄左啲，将货就价吧。咖喱牛肉汤乌冬$48 - 之前喺板X食过，牛肉量多而且咖哩好creamy。呢个就真系唔掂，一上枱已经见到成个面有一层好厚既油，咖哩味一般，乌冬亦唔弹牙，再加4块牛，咁就$48。假日周围都要等位，呢度就唔驶等，坐得都好舒服，店员亦不断加茶，合格!临走时店员啱啱换左门口个广告牌，原来下午茶同宵夜时段有七折，感觉几抵食。