翠林辣蟹舫

Item: 翠林辣蟹舫
Rating: 5
Author: Joeho0302

Greenland Spicy Crab

4.5

992 食记

味道

环境

服务

卫生

抵食

31920

尖沙咀

$201-400

粤菜 (广东) 港式海鲜鸡煲蟹店

复制到剪贴板

897

Joeho0302

等级2

今日同女朋友两个人想食番D地道既特色小炒，但同时亦都想食新鲜海鲜，初初本来想去番D地道既大排挡就冇死la! 但谂谂下又怕天气热，而家既天气如果食大排挡一定身水身汗，真系几好食都假～

谂谂下最后终于去左食岩岩系亚士里道开左新店既'翠林辣蟹舫'，之前本身都试过长沙湾老店既翠林辣蟹舫，旧店水准绝对不错，今次见到既然有环境较舒适既新店当然想再即时试下！

平时食辣蟹都会比较多人食，可以试多D唔同既小炒，但今日一行只有两个人，所以只好点左三个招牌菜医下为食根～

今日点既三个𩠌包括：招牌必试既'镇店之宝避风塘炒辣蟹'、'黄金豆腐'、'蟹油银芽炒面'。唔好睇少呢三个𩠌，黎得食辣蟹，呢三个𩠌系必须至少要试ga!

先讲个'镇店之宝避风塘炒辣蟹'，呢一个炒得咁好既辣蟹可以从三个地方睇到：

1）就系辣蒜要炒得够脆、够香够干身，食到底唔可以见到一镬油。

2）调味香菜唔可以悭，唔好以为剩系干蒜就够，炒时一定要加埋葱、同辣紫蒜等香菜去炒香D蒜味道先够层次。

3）最后一定系讲只蟹，蟹要够大只多肉同新鲜！唔大只多肉边够低食！（据经理所讲佢地所有蟹都系每日由越南新鲜运到）所以食落真系宁舍弹牙爽口！

黎得呢度唔洗我讲都知蟹系必食之选ga la!
另外一个我觉得好好食既招牌菜就系'黄金豆腐'！食完蟹相信大家同小弟一样必定觉得想食D冇咁麻烦唔洗拆壳既野，甚至系最好咬都唔洗就最perfect ! XD
所以黄金豆腐真系岩晒！佢地个黄金豆腐外脆内软就系必然ga la，最重要系食落口重可以食得出阵阵既豆香味，系街食外脆内软既炸豆腐其实唔难，但仲要食到有新鲜豆香既就真系少有少有！

食过豆腐其实正常都开始饱，但由于我地好想再食一次佢地个蟹油银芽炒面，所以我地宁愿食唔晒打包都要叫埋！
呢个睇见平平无奇既炒面，记得第一次系老店食我仲小晒鬼话平时摆酒都成日有得食，但食过之后就有惊喜！
佢地个面炒得非常之够干身，每一束夹起都唔会有油既出现，食落口你更会发现浓郁既镬气！据店员所讲之所以咁有镬气全系因为佢地每一碟都系即炒唔会炒定或夹单，正因为咁每碟师傅都够力做到抛镬呢个动作，所以碟碟都咁有镬气！经理仲教我地一个新食法，就系用之前辣蟹既干蒜捞埋一齐食！唔试由自可，试过真系停唔到，辣香气全！

食到最后经理仲送左个果盘同甜品比我地，初初我以为莫非认得我地先送？！
完来非也～全因此佢地贴心认为食完辣蟹都比较热气，所以通常都会预备果盘比客人解热气之用～

我地两个人最后都系食唔晒所有野，好在可以打包！连炒蟹D辣蒜都唔好放过🤘🏻