影片
更多
2014-06-05
757 浏览
其实呢间品味鲜小厨都食过好多次，堂食外卖都试过，不过就外卖多。而且我地屋企次次都净系外卖佢个水煮鱼，所以今次篇食评主要都系评佢个水煮鱼。好多人都话堂食有风味D，奈何可爱的爸爸妈妈不太喜欢外出食饭，我家姊弟又想食辣，唯有黎呢到叫个外卖解解瘾。我唔知正宗既水煮鱼系点，但系呢间舖头既水煮鱼我觉得好好味~首先佢够辣，辣得黎有D麻，麻得黎又带香，而且佢又唔会话好咸。因为我试过有D舖头既水煮鱼系好咸的，破坏晒成煲野~.~除左面头既大鱼片，个底仲有D薯粉、大荳芽、莴苣、酸菜等，其实都几多料食。唔知系咪因为我地拎到返屋企会煲返热先食，滚多两滚，D辣味更出，D料更索味。虽然我地每次都只系叫小辣，但系屋企滚两滚之后，次次都辣得好过瘾 所以唔好睇少幅相入面个汤底D色水~仲有，同老板娘倾开，佢话佢D鱼会熏左先放落去，所以冇咁易散开或者烂晒。唔知其他卖水煮鱼既舖头系咪都系咁既呢？呢头附近都有唔少舖头卖四川菜，我地都试过佢地既水煮鱼，但唯独呢间会令我地返转头帮衬。除左味道外，价钱亦系其中一个重要既原因！呢到咁大煲既水煮鱼，都只系卖$78！外面唔少舖头闲闲地都卖过百一煲，或者呢到唔似人地成条鱼咁上，只系一条大鱼既一
好多人都话堂食有风味D，奈何可爱的爸爸妈妈不太喜欢外出食饭，我家姊弟又想食辣，唯有黎呢到叫个外卖解解瘾。
我唔知正宗既水煮鱼系点，但系呢间舖头既水煮鱼我觉得好好味~首先佢够辣，辣得黎有D麻，麻得黎又带香，而且佢又唔会话好咸。因为我试过有D舖头既水煮鱼系好咸的，破坏晒成煲野~.~
除左面头既大鱼片，个底仲有D薯粉、大荳芽、莴苣、酸菜等，其实都几多料食。
唔知系咪因为我地拎到返屋企会煲返热先食，滚多两滚，D辣味更出，D料更索味。
虽然我地每次都只系叫小辣，但系屋企滚两滚之后，次次都辣得好过瘾
所以唔好睇少幅相入面个汤底D色水~
仲有，同老板娘倾开，佢话佢D鱼会熏左先放落去，所以冇咁易散开或者烂晒。唔知其他卖水煮鱼既舖头系咪都系咁既呢？
呢头附近都有唔少舖头卖四川菜，我地都试过佢地既水煮鱼，但唯独呢间会令我地返转头帮衬。
除左味道外，价钱亦系其中一个重要既原因！
呢到咁大煲既水煮鱼，都只系卖$78！
外面唔少舖头闲闲地都卖过百一煲，或者呢到唔似人地成条鱼咁上，只系一条大鱼既一部分，但都已经够我地一家食。我地仲可以自己买料加落去煲添！
而且我地次次都会自己带埋煲去买外卖，除左环保D之外，仲可以悭埋两蚊外卖碗既钱！抵赞！
除左水煮鱼，我地都试过佢地既鸡煲，仲有干煸四季豆、干锅肥肠、炒土豆丝等小菜，味道不过不失，同埋要预左味道会系偏浓重及多油。
始终都系比较钟情佢地既水煮鱼~
张贴
