影片
更多
2015-03-02
1277 浏览
约旧同事食饭豆利是，全部都“好辣”😅，但最hot & spicy嘅旧阿姐临时嚟唔到，少咗只脚静咗啲…惯例叫到成枱嘢。夫妻肺片有牛肚牛肺，片得可以再薄身啲，小辣但不麻，而且红油可以更多令颜色更亮丽，食落偏干身。鸭舌有惊喜，成条全是香辣味，食落腍中带爽。蒜片牛柳粒炸得松化，送住老板带嚟嘅私伙红酒，正！辣子鸡，食落少甜带辣但不麻，皮脆肉酥但偏干身。碟内的泡椒亦炒得干身，食落脆身兼满口香气。由于星斑卖哂，水煮鱼要了桂花鱼。窝内有芽菜、阔粉、猪红，材料丰富，桂鱼肉滑溜，但只系小辣不麻，反而配料索哂汤仲惹味。炒苣蒿我觉得食落有啲㶶味。上汤大虾煎米线系为咗病紧嘅我而叫，虾鲜弹，上汤味浓，米线煎得脆底，味道不错。桂花糕质感冇过散过实，有桂花香同杞子甜，几好。由于老板与店家相熟，送咗3款甜品仲冇收开瓶费加一。甜品糖不甩好软身，沾满花生、芝麻、黄糖，好好味。桶装豆腐花够热同滑但冇乜豆味。生果有5款新鲜甜美。后记：虽然病中，都抵不住川菜的诱惑召唤，吃了很多，但真的没有口唇发麻的感觉。不过又酒又辣的，返到屋企呕到甩肺…😵
惯例叫到成枱嘢。夫妻肺片有牛肚牛肺，片得可以再薄身啲，小辣但不麻，而且红油可以更多令颜色更亮丽，食落偏干身。鸭舌有惊喜，成条全是香辣味，食落腍中带爽。蒜片牛柳粒炸得松化，送住老板带嚟嘅私伙红酒，正！辣子鸡，食落少甜带辣但不麻，皮脆肉酥但偏干身。碟内的泡椒亦炒得干身，食落脆身兼满口香气。由于星斑卖哂，水煮鱼要了桂花鱼。窝内有芽菜、阔粉、猪红，材料丰富，桂鱼肉滑溜，但只系小辣不麻，反而配料索哂汤仲惹味。炒苣蒿我觉得食落有啲㶶味。上汤大虾煎米线系为咗病紧嘅我而叫，虾鲜弹，上汤味浓，米线煎得脆底，味道不错。桂花糕质感冇过散过实，有桂花香同杞子甜，几好。
由于老板与店家相熟，送咗3款甜品仲冇收开瓶费加一。甜品糖不甩好软身，沾满花生、芝麻、黄糖，好好味。桶装豆腐花够热同滑但冇乜豆味。生果有5款新鲜甜美。
后记：虽然病中，都抵不住川菜的诱惑召唤，吃了很多，但真的没有口唇发麻的感觉。不过又酒又辣的，返到屋企呕到甩肺…😵
张贴
