回家湘

营业中

休息中

今日经过佐敦先知道原来吴松街开咗一间双菜，睇落入边都相当企理同光猛，我又好耐冇食过湘菜㖞，就同朋友决定入嚟，本来朋友话有少少唔舒服，所以唔好叫咁多辣嘢，但系我又好想食㖞，所以最后就拣咗要剁椒小芋头，其他都要咗唔辣嘅。剁椒小芋头完全系我钟意食嘅，芋头够软糯，加埋辣油好正！另外我将鲜菌手工腐竹皮都沾埋剁椒小芋头嘅辣油，超下饭。朋友就话直接食都好够味。另外我朋友介绍咗我食一种我未食过嘅菜，叫做红菜苔，佢味道有啲似菜心，但系更加甜，我都几钟意食，另外就叫咗一个龙骨野藕汤，超多莲藕，而且好暖胃，天气咁冻饮就啱晒。