悅廬精致江西菜

营业中

休息中

今日朋友带我去食铜锣湾新开嘅江西菜，咁大个女都系第一次食呢一款菜，菜式好大份好惹味全部都系辣嘅🙈如果系辣妹嘅话最啱去呢间餐厅🤣🍲海带排骨汤个汤出奇地好清甜，亦都系唯一一个唔辣嘅𩠌🤣🐮南村牛杂用新鲜牛心、牛肚、牛筋、牛腩同埋辣汁一齐煮，唔会太靭。🌱家乡炒扁豆用指天椒、蒜粒用嚟炒扁豆，味道我觉得有少少似炒马拉盏𠮶种。🐟干烧小黄鱼虽然见到好多辣椒，食落去又唔系好辣，肉质嫩滑，不过小心有骨。🌶️🌶️余干椒炒肉呢个系坚辣，𠮶种辣味系食完之后慢慢渗出嚟，但系又超级惹味，送白饭一流。💫南昌牛肉炒米粉相比之下呢道菜冇咁辣，似系面线多过米粉，加上牛肉丝同埋其他配料，食到呢度都好饱。最后仲有白糖糕可以食，本身食完之后个嘴好似辣到肿肿地，食完白糖糕之后就即刻冇 咁辣。