影片
更多
2024-07-12
2423 浏览
星期四夜晚嚟到唔算多人，啱晒同朋友嚟吹住水食好嘢🥳 一坐低已经有位女店员好好笑容咁问我哋有冇嚟过，知道我哋冇嚟过之后就同我哋介绍下个餐牌，同时又有提供即弃围裙、腌制萝卜同埋芽菜，算系几贴心嘅服务。 辣炖鸡汤 (S) ($328) + 芝士炒饭 ($50)我哋两个人叫咗个细嘅，本身听到有一只鸡都有啲担心，但系食落又觉得份量啱啱好🤣 辣度方面，我哋拣咗普通🌶️，睇落好刺激，但系食落的确唔太辣（根据店员嘅介绍，大概系十小辣）。鸡汤入面除咗鸡之外，仲有大量年糕、大葱、薯仔等等嘅配料。女店员上菜时有问我哋想将啲蒜蓉捞落去汤底，定系放落酱油度，又有详细教我哋点食，值得一赞～初初食年糕觉得唔够入味，但系就已经够晒烟韧，去到后期再食入晒味就正好多😍 鸡肉做到骨肉分离，唔会太过嚡／韧，点埋个酱油就更加好食～唯一嘅缺点系，个锅滚得耐咗会令到啲鸡肉有少少🤏🏼太过浓味。食到咁上下，店员留意到我哋啲汤就嚟冇晒，于是问我哋打唔打算加炒饭，话如果唔加炒饭就可以帮我哋再加汤。结果我哋抵挡唔住芝士🧀嘅吸引力，加咗个芝士炒饭😆 店员系用返我哋个汤底嚟炒𠮶个饭，啲芝士拉晒丝咁，好正😋 不过可能因为啲饭比较吸汤，个饭系辣过本身
辣炖鸡汤 (S) ($328) + 芝士炒饭 ($50)
29 浏览
0 赞好
0 留言
30 浏览
0 赞好
0 留言
我哋两个人叫咗个细嘅，本身听到有一只鸡都有啲担心，但系食落又觉得份量啱啱好🤣 辣度方面，我哋拣咗普通🌶️，睇落好刺激，但系食落的确唔太辣（根据店员嘅介绍，大概系十小辣）。鸡汤入面除咗鸡之外，仲有大量年糕、大葱、薯仔等等嘅配料。女店员上菜时有问我哋想将啲蒜蓉捞落去汤底，定系放落酱油度，又有详细教我哋点食，值得一赞～
初初食年糕觉得唔够入味，但系就已经够晒烟韧，去到后期再食入晒味就正好多😍 鸡肉做到骨肉分离，唔会太过嚡／韧，点埋个酱油就更加好食～唯一嘅缺点系，个锅滚得耐咗会令到啲鸡肉有少少🤏🏼太过浓味。
食到咁上下，店员留意到我哋啲汤就嚟冇晒，于是问我哋打唔打算加炒饭，话如果唔加炒饭就可以帮我哋再加汤。结果我哋抵挡唔住芝士🧀嘅吸引力，加咗个芝士炒饭😆
店员系用返我哋个汤底嚟炒𠮶个饭，啲芝士拉晒丝咁，好正😋 不过可能因为啲饭比较吸汤，个饭系辣过本身个汤少少嘅。
紫菜粉丝卷 ($45)
74 浏览
0 赞好
0 留言
系紫菜包住一堆粉丝，然后成旧拎去炸🔥 紫菜都仲有少少脆，本身以为入面啲粉丝都应该仲有少少烟烟韧韧，估唔到系软淋淋咁样，又几得意😋
唯一可以挑剔嘅地方就系略嫌炸粉有啲啲厚，如果可以再薄少少就完美喇！
韩式糖饼 ($50)
35 浏览
1 赞好
0 留言
未食过糖饼，又见佢餐牌有只手指公，所以就嗌嚟试下。饼皮脆脆哋，但系咬落就烟烟韧韧咁，入面个馅都几重黑糖味，但系又唔会太甜，唔错唔错🤤
总括而言嚟讲，今次系个唔错嘅体验，食物好食得嚟份量又好足，店员服务态度亦都好好，下次再想食韩国菜的话一定会再帮衬！👍🏼
张贴
