第三站

之前都有去过金鸡广场25楼食野，今日再去，已经系2 年后既事啦。唔知系咪同一间，之前果间有漫画有board game,但呢间依我所见就只有board games,菜式差唔多，都系有我最喜爱既烟三文鱼忌廉意粉，唔同既系餐厅既格调，依家既station 3 暗暗地，多左d盆栽，比之前多台凳，比之前浪漫气氛浓点。话说餐厅好岩三五知己聚会，我地以前成日黎，就系贪佢有board game,例如层层叠，dixit,Pictionary 等等 可以玩足成日！可爱既三眼仔野食选择唔系好多，但菜式质素都十分好，意粉饭为主，有d小食，同埋大量饮品选择，话哂系cafe. 叫左两个set, 唔系好贵，有个35 蚊饮品（多左补差价），主菜，加30 蚊仲有蛋糕甜品同沙律，绝对抵食啊！叫左个烟三文鱼忌廉意粉，墨西哥辣肉丸意粉。我比较中意后者既肉丸，真系十分惹味，阵味有d似麦乐鸡，但辣辣地，肉汁好多，好味啊，烟三文鱼意粉既忌廉汁多又香滑，烟三文鱼都好大份。好抵叫既沙律同蛋糕！之后仲叫左个小食拼盘，即叫即炸，58 蚊有齐多款小食，脆皮肠，4 只蜜糖鸡翼，咖哩角，春卷，薯条，鱼蛋。。。除左薯条硬左小小，其他丰富之余又好味