影片
更多
2015-09-09
1167 浏览
黎左 3 次都试唔到卤水鸡中翼，点会次次都卖晒架！第 1 次黄昏黎话仲未浸好，第二次同今次八点左右黎就卖晒啰。唔愤气，我一定要食到您！花雕醉鸡，虽然 menu 只系显示醉鸡，其实系提供醉鸡髀来的，即时谂起碧碧好喜爱既白切醉鸡汤米，不过我都未试过。上次黎帮衬无试招牌醉鸡髀有点遗憾，今次专程黎再战许记。淡淡酒香味，浓而不呛，香而不涩，浸得够滑，刚刚熟无过火仲带点肉汁，好味噃，连骨都泛著酒香损到干干净净。肉质可以做得再滑一点。突然谂起鼎泰丰既醉鸡、鹿鸣居既醉鸽比佢更胜一筹，许记都唔差既，食得过。卤水猪头肉，猪头肉？完全系猪耳样黎㖞，仲有软骨添，大陆习惯将猪耳叫猪头肉？还是软骨只系猪头近猪耳位置啫？猪头肉切得薄薄捞上麻油，卤水芝麻香，味道满意。完全感受到骨胶原系口中散开，软骨脆卜卜咬得过瘾。应该配上白醋味道都唔错，整个凉拌麻辣都得㖞！卤水大肠河走葱，有别于食开既潮州粉面，感觉好有台湾面线风味。大肠处理得宜，干净无膻味。好有弹性好有咬口，而且比牛肠更爽，卤水味非常浓郁，内脏一向索汁索味都超强架啦。汤底特浓虾籽跟大地鱼味，真材实料肴装，美味非常！河粉好棉滑啊！时间掌握得非常好，棉得黎唔会烂，夹得到
黎左 3 次都试唔到卤水鸡中翼，点会次次都卖晒架！第 1 次黄昏黎话仲未浸好，第二次同今次八点左右黎就卖晒啰。唔愤气，我一定要食到您！
花雕醉鸡，虽然 menu 只系显示醉鸡，其实系提供醉鸡髀来的，即时谂起碧碧好喜爱既白切醉鸡汤米，不过我都未试过。上次黎帮衬无试招牌醉鸡髀有点遗憾，今次专程黎再战许记。淡淡酒香味，浓而不呛，香而不涩，浸得够滑，刚刚熟无过火仲带点肉汁，好味噃，连骨都泛著酒香损到干干净净。肉质可以做得再滑一点。突然谂起鼎泰丰既醉鸡、鹿鸣居既醉鸽比佢更胜一筹，许记都唔差既，食得过。
卤水猪头肉，猪头肉？完全系猪耳样黎㖞，仲有软骨添，大陆习惯将猪耳叫猪头肉？还是软骨只系猪头近猪耳位置啫？猪头肉切得薄薄捞上麻油，卤水芝麻香，味道满意。完全感受到骨胶原系口中散开，软骨脆卜卜咬得过瘾。应该配上白醋味道都唔错，整个凉拌麻辣都得㖞！
卤水大肠河走葱，有别于食开既潮州粉面，感觉好有台湾面线风味。大肠处理得宜，干净无膻味。好有弹性好有咬口，而且比牛肠更爽，卤水味非常浓郁，内脏一向索汁索味都超强架啦。汤底特浓虾籽跟大地鱼味，真材实料肴装，美味非常！
河粉好棉滑啊！时间掌握得非常好，棉得黎唔会烂，夹得到一束束跟香甜汤汁齐齐送入口，捞上大量麻辣辣椒渣，好 high 呢！仲要滚热辣， 烫晒咀，依个温度最好食，渌到甩皮话知佢啦！一个河粉唔够我饱啦，食多个牛腩捞粗先，睇吓鱼滑好食还是许记好食。
牛腩捞粗走葱腩汁，许记就算走葱都会加韮黄架㖞，好采近几年开始接受到阵草青味，唔会太过反胃，不过我依然系唔食韮黄呢。牛腩同捞面系分开上，印象中从未试过面档如此处理，如果丸类都会既。整返片嫩菜先，颜色非常翠绿，估唔到好爽甜呀，正菜黎噃。大大旧牛腩，索一索精神爽利，香喷喷牛肉味、香料、虾料、大地鱼，流晒口水 ﹗入口棉棉松化，不干不鞋而湿 润，香甜美味，牛腩吸收埋虾籽汤底味道，特别香口，高质无得弹。
轮到品尝粗面，step by step 当然系先啜啖原味先啦 ﹗眼见腩汁稍为浅色，都好担心会淡而无味。无紧要，食左先讲。哗 ﹗腩汁浓而清甜，脱俗优雅，含畜得黎有味道，爽 滑弹牙粗面缠住大量汤汁一拥而上，好好味呢 ﹗停不了地啜入口中，但不幸地份量对我黎讲太少喇，所以要食多个河粉先得。
Homemade 麻辣辣椒油，麻香四溢 ﹗好有个人风格既麻辣辣椒油，罕有而特别，仲要好味道 ﹗我依旧大羮大羮咁捞辣椒渣，刺激兴奋到满头大汗呢 ﹗辣得过瘾，谂 起都有点冒汗呀。
云吞牛筋面走葱，许记用既牛筋系我最爱既质地㖞，超软棉、超胶口、带少少弹性，唔系硬身质地𠮶款呢！最靓最好味，卤水味已完全渗透一个细胞，浓味到不得了，而且热辣辣超级好食！看似碗面无咩烟，唔系好热，点知一索入口，轻烟才缓缓升起，渌死我咩！好采我饮开滚油顶得住。
面爽弹汤底香浓，捞上大量麻辣辣椒渣，无得顶啦。一口云吞味浓结实弹弹的，猪肉占大部份，渗著满满香甜肉汁，混入少量虾肉更添鲜味！太好味，唔洗 5 分钟秒杀左碗滚热辣既汤面，体温即时𩙪升，今日冷气仲要坏左，坚系汗珠一滴滴呀 ﹗
张贴
