川莊

营业中

休息中

喺旺角谂唔到要食啲乜嘢，行吓行吓揾吓揾吓最后就去咗朗豪坊川庄到试下。印象中呢一间餐厅都喺朗豪坊屹立多时，今次就嗌咗：1）成都水煮鲜鱼片（配金针菇、鲜腐竹、木耳、水晶粉皮）⭐️⭐️⭐️⭐️ / ⭐️⭐️⭐️⭐️⭐️2）酸辣土豆丝 ⭐️⭐️⭐️ / ⭐️⭐️⭐️⭐️⭐️3）家乡手抓饼 ⭐️⭐️⭐️⭐️ / ⭐️⭐️⭐️⭐️⭐️今次呢个水煮鲜鱼片嗌咗第二个辣度，始终另一半仲系喉咙有啲唔舒服所以就唔嗌咁辣，但其实第二个辣到已经辣到我哋流晒鼻水，啲鱼片好爽滑，熟度恰到好处。配料亦都吸晒啲水煮汁，只系啲粉皮有少少偏韧。酸辣土豆丝个酸味就唔算出，厨师切到土豆丝好特别，唔似坊间嘅土豆丝，佢系好似面一样，几可乱真。手抓饼本人就觉得点整都唔会难食嘅主粮黎，只要佢系烤返热脆身唔系叮翻热，已经好好味，所以呢个手抓饼系合格嘅，但佢无用手抓过无碎上，咁究竟系薄饼定手抓饼呢？呢点就系一个扣分位。食完3个都已经饱到郁唔到，埋单$4xx，呢间嘅辣确实系比我所想嘅辣，好彩有听职员所讲，所以如果对于辣好有兴趣嘅人就千祈唔好错过。