影片
更多
2021-12-13
812 浏览
去开附近𠮶间餐厅突然结业唯有去附近啲餐厅揾嘢食经过好多次呢间日式餐厅门口用日文实在叫唔出个名价钱平平哋，感觉系品质一般嘅拉面不过里面都有唔少客，试一试都无妨入到去好大阵味，可能通风有啲问题？行到去餐厅中间等俾位，话系一位，老板娘命令式咁叫“坐门口”。枱无餐牌，我拧去玻璃睇餐版时佢过嚟问食乜，我问佢攞餐牌，佢个样十万过唔愿意…拣完九洲叉烧拉面套餐，佢问系咪跟饺子，我揾紧仲有乜拣果阵，佢又再问一次，我问返佢仲有乜拣，佢话“我咪问你系咪要饺子啰”…真系吹涨…老板娘答非所问，态度又差，果刻已经想拍枱走人！上台无筷子，fine，问佢啰，佢皱晒眉叫我喺隔离枱攞，我话隔离枱都无，佢先死死地气攞过来，然后顺便refill隔离枱个筷子盒时，好大力咁队啲筷子入去…我去食个饭，你做单生意啫… 心情唔好，果日唔好开舖啰，无谓搞到你啲客，包括我附近果几枱，个个都唔开心受你气吖隔离枱一路都用匙羹食饭，听到老板娘叫我去隔离攞筷子，佢都有少少无奈咁笑，我估佢可能费事受老板娘气所以都费事问佢攞佢叫咗4次柠茶，老板娘接单3次，老板听单1次，每次都问系咪热…好彩最后都有嚟咁无记性点解唔写单呢？Btw隔离埋单果阵已执晒袋预备
唯有去附近啲餐厅揾嘢食
经过好多次呢间日式餐厅
门口用日文实在叫唔出个名
价钱平平哋，感觉系品质一般嘅拉面
不过里面都有唔少客，试一试都无妨
入到去好大阵味，可能通风有啲问题？
行到去餐厅中间等俾位，话系一位，老板娘命令式咁叫“坐门口”。
枱无餐牌，我拧去玻璃睇餐版时佢过嚟问食乜，我问佢攞餐牌，佢个样十万过唔愿意…
拣完九洲叉烧拉面套餐，佢问系咪跟饺子，我揾紧仲有乜拣果阵，佢又再问一次，我问返佢仲有乜拣，佢话“我咪问你系咪要饺子啰”…真系吹涨…
老板娘答非所问，态度又差，果刻已经想拍枱走人！
上台无筷子，fine，问佢啰，佢皱晒眉叫我喺隔离枱攞，我话隔离枱都无，佢先死死地气攞过来，然后顺便refill隔离枱个筷子盒时，好大力咁队啲筷子入去…
我去食个饭，你做单生意啫… 心情唔好，果日唔好开舖啰，无谓搞到你啲客，包括我附近果几枱，个个都唔开心受你气吖
隔离枱一路都用匙羹食饭，听到老板娘叫我去隔离攞筷子，佢都有少少无奈咁笑，我估佢可能费事受老板娘气所以都费事问佢攞
佢叫咗4次柠茶，老板娘接单3次，老板听单1次，每次都问系咪热…好彩最后都有嚟
咁无记性点解唔写单呢？
Btw隔离埋单果阵已执晒袋预备走，老板娘无啦啦走过去问佢第4次，你饮乜野？你唔饮野呀？
公道啲咁讲，因为服务嘅印象太深刻，净系记得食物麻麻地，唔敢好差
但系睇返啲图片，啲叉烧…大概都估到质素啦…
不过我起码仲记得，𠮶两件寿司冇俾豉油碟，但系我实在唔想同佢再讲多一句说话，就咁队wasabi就算…
伏伏伏
呢间嘢真系绝对冇下次！完！
36 浏览
0 赞好
0 留言
张贴
