影片
更多
2022-06-26
1712 浏览
💎总评分：7.0/10-呢间日本过江龙拉面登陆香港时成为热话，人称「死神拉面」因为推出左地狱级辣度。插旗几年平日门口都会排长龙，今日竟然唔使排队就入去食碗面。店内环境昏暗，好多鬼怪装饰match反店名「鬼金棒」，舖面比想像中大，有吧枱同四人座，完全无压迫感。Menu简而精，除左拉面竟然仲有肉饭，但系就无饺子或其他小食，最多俾你加配料，特别之处系汤底「麻」同「辣」嘅程度系可以分开自定，唔食得辣嘅朋友㨂走辣就OK啦！1️⃣ 增量叉烧X2辣麻味噌拉面 $130 增量叉烧果然系份量十足，两大旧厚切叉烧超级入味，质感够淋，清楚见到肉嘅层次分明，半瘦半肥，怕肥嘅人可以切走面层肥膏，但识食一定系成啖咬落去至系顶级享受。汤底拣左中辣中麻，接受得到嘅辣劲，食到中间可能会微微出汗。拉面较粗身，OK弹牙但最紧要够挂汤！若然其他款加配增量叉烧需额外＋$35，呢碗仲要包埋味玉，感觉最抵食。2️⃣ 玉米笋辣麻味噌拉面 $110本来D玉米笋就多到成座山咁，小编仲加左味玉($15)同芽菜($15)，卖相更加澎湃，配料多到盖满成个碗睇唔到D面。值得留意嘅系，呢旧叉烧系正常size，系就系细旧D，但更加突显出第一碗嘅「增量」系「
-
呢间日本过江龙拉面登陆香港时成为热话，人称「死神拉面」因为推出左地狱级辣度。插旗几年平日门口都会排长龙，今日竟然唔使排队就入去食碗面。店内环境昏暗，好多鬼怪装饰match反店名「鬼金棒」，舖面比想像中大，有吧枱同四人座，完全无压迫感。Menu简而精，除左拉面竟然仲有肉饭，但系就无饺子或其他小食，最多俾你加配料，特别之处系汤底「麻」同「辣」嘅程度系可以分开自定，唔食得辣嘅朋友㨂走辣就OK啦！
1️⃣ 增量叉烧X2辣麻味噌拉面 $130 增量叉烧果然系份量十足，两大旧厚切叉烧超级入味，质感够淋，清楚见到肉嘅层次分明，半瘦半肥，怕肥嘅人可以切走面层肥膏，但识食一定系成啖咬落去至系顶级享受。汤底拣左中辣中麻，接受得到嘅辣劲，食到中间可能会微微出汗。拉面较粗身，OK弹牙但最紧要够挂汤！若然其他款加配增量叉烧需额外＋$35，呢碗仲要包埋味玉，感觉最抵食。
增量叉烧X2辣麻味噌拉面
$130
40 浏览
0 赞好
0 留言
本来D玉米笋就多到成座山咁，小编仲加左味玉($15)同芽菜($15)，卖相更加澎湃，配料多到盖满成个碗睇唔到D面。值得留意嘅系，呢旧叉烧系正常size，系就系细旧D，但更加突显出第一碗嘅「增量」系「真增」！辣度今次㨂左大辣小麻，对宝贝嚟讲太辣，但系小编谂住下次挑战鬼辣！唔知系咪辣度嘅分别，汤底有啲似加咗花生麻酱，比较杰身少汤，有啲似食紧沾面。玉米笋同芽菜都爽口挂汤，吸左汤底嘅精华极度惹味。味玉做到超级溏心，咬开一半即见蛋黄流出，十分高质，系必加嘅配料！
玉米笋辣麻味噌拉面
$110
33 浏览
0 赞好
0 留言
某些时间前都review过另一间尖沙咀嘅拉面店，两间质素都高但对比下，鬼金棒嘅汤底、叉烧、味玉都出胜，可能因为小编钟意食辣又爱蛋，而叉烧无论系quality & quantity都正，所以会推介大家去试！-
环境服务：⭐⭐⭐⭐
食物质数：⭐⭐⭐⭐
打卡指数：⭐⭐
题外话/补充资料：
🚗 今次小编好彩，金马伦道揾到个位，泊正喺店门前，间接因为咁入去左食。
(以上食记乃用户个人意见 , 并不代表OpenRice之观点。)
张贴
