影片
更多
2024-03-29
114 浏览
同老公睇完戏顺道去联和墟觅食，个人好钟意食定食，啱哂贪心样样想食少少的我！见到呢间叫「满屋定食」，以为系日式餐厅，原来主打日、泰、越式美食，入面多卡位，干净企理，坐得舒服。餐牌大大本图文并茂，入面超多选择包括船河、冬荫功粉面、烧肉丼、香叶甲抛饭、泰皇咖哩饭等等，order定食又可以再拣3款小食，真系有排拣，睇menu都睇咗10分钟(笑) 巨人定食 - 海南鸡饭配迷你香叶肉碎船河 $105 (跟配 定食1 类别 ABC 各选一款：冬荫功汤+南瓜脆薯饼+北海道牛乳炸脆奶)鸡饭本身同其他餐厅散叫差不多size，鸡肉够滑，油饭有淡淡鸡油香、点一点姜汁 酸辣汁，好味！再加超浓黑汤迷你船河，好惹味！仲有仲有，呢个定食可再拣 3 款小食，我拣了冬荫功汤、南瓜脆薯饼、北海道牛乳炸脆奶，好少餐厅有得食炸鲜奶，外面酥脆内面包裹丝滑鲜奶，值得推介！呢个餐份量超多，不大食的话两个人食都够饱！冬荫功海鲜蚬蚬蚬河粉 $100 (跟配定食 2 类别 ABC 各选一款：芝麻八爪鱼仔+广岛炸蚝+越式蔬菜春卷)餐厅的冬荫功粉面亦系必食之选，汤底食到青柠酸味、香茅香味、南姜辣味，加上椰酱，口感creamy。串烧亦系高质之选
见到呢间叫「满屋定食」，以为系日式餐厅，原来主打日、泰、越式美食，入面多卡位，干净企理，坐得舒服。餐牌大大本图文并茂，入面超多选择包括船河、冬荫功粉面、烧肉丼、香叶甲抛饭、泰皇咖哩饭等等，order定食又可以再拣3款小食，真系有排拣，睇menu都睇咗10分钟(笑)
巨人定食 - 海南鸡饭配迷你香叶肉碎船河 $105 (跟配 定食1 类别 ABC 各选一款：冬荫功汤+南瓜脆薯饼+北海道牛乳炸脆奶)
鸡饭本身同其他餐厅散叫差不多size，鸡肉够滑，油饭有淡淡鸡油香、点一点姜汁 酸辣汁，好味！再加超浓黑汤迷你船河，好惹味！仲有仲有，呢个定食可再拣 3 款小食，我拣了冬荫功汤、南瓜脆薯饼、北海道牛乳炸脆奶，好少餐厅有得食炸鲜奶，外面酥脆内面包裹丝滑鲜奶，值得推介！呢个餐份量超多，不大食的话两个人食都够饱！
冬荫功海鲜蚬蚬蚬河粉 $100 (跟配定食 2 类别 ABC 各选一款：芝麻八爪鱼仔+广岛炸蚝+越式蔬菜春卷)
餐厅的冬荫功粉面亦系必食之选，汤底食到青柠酸味、香茅香味、南姜辣味，加上椰酱，口感creamy。
串烧亦系高质之选！
烧猪柳串 $15、烧牛肉串 $16、巨人烧鸡肉串 $22
烧猪颈肉沙律 $48
白桃乳酸梳 (跟餐+$10)
冻泰式奶茶 (跟餐+$3)
餐牌有提醒地道泰茶味道偏甜，非常贴心。
张贴
