aga Restaurant & Bar

营业中

休息中

嚟紧秋天，开始有朋友约去户外活动，有啲约去行山，有啲话去烧嘢食，其中一个比较特别，但系我最钟意，就系约去有户外地方嘅餐厅，食下饮下嘢chill下。所以我哋今次特登先食个午饭，视察呢间朋友介绍酒吧既环境，之后再嚟happy hour。呢度户外环境真系好舒服，座位有空间感，但其实室内都好relaxing。最估唔到系酒吧嘅食物质素都咁高。🍖叫咗个彩虹虾肉沙律，排列得好靓，材料好新鲜，我最钟意系佢个dressing，系牛油汁，但系一啲都唔heavy，所以食落有好多牛油味，但又保持到新鲜嘅蔬菜既好清新。🍖龙虾汁意粉，意粉下面冇多余汁酱，所以个摆碟会好干净，但系食落仲保持超强嘅龙虾味，配合埋香煎过嫩滑嘅带子同蟹柳，轻盈又好味。🍖跟住有个偏向日式嘅牛肉饭套餐，牛肉切割份量啱啱好，非常入味，一啖一件，唔使切最方便， 上面又有椰菜花，如果普通午饭，配合埋前菜嘅沙律，个餐其实好均衡饮食feel。不过我最钟意系佢嘅甜品日式炸芝士年糕，佢哋喺上面巧妙咁加咗砂糖，哈哈，出嚟嘅效果竟然系冬甩嘅味道，特别好食。🍺菠萝嘅奶盖茶，同埋清新嘅柚子梳打，清新舒服，好似话俾我哋听要准备迎接秋天啦。