迎‧潮 (已結業)

上两次已经想去试下"迎" 嘅菜式，不过都话订满，所以无缘品尝! 今次可以订到位，心中都有一份喜悦。 the One 嘅"迎" 占尽地理优势，位于高层20楼，可望维港夜景。用餐方面，招乎比一般中式洒楼好。经理介绍左鱼翅四喜饺，佢话杂志有介绍过，所以我地点了一试。颜色吸引，虾肉爽口，重有少量鱼翅增加贵气，做得精美!个蚝煲就麻麻，个煲上菜时唔系热到啫啫声，啲蚝肉比较实，粉就厚左啲, no good!39 头日本吉品鲍 虽然可以用刀义去享受，不过真系细只左啲, 鲍汁味okay.个木瓜炖鱼皇汤就中规中矩，算唔错。玉盘鲜艳素碟上卖相差左啲，唔够正，味道算系清淡。堂煎德州牛扒本来想卖弄服务技巧，增添视觉享受，可惜，员工技术有代改善 虽然味道okay, 不过卖相唔得, 同肉地比较韧!黑瓜子斑 反而唔错，有鱼味唔沙皮，而且抵食!!! 甜品方面, 经理推介豆豆千层冻饼, 个样 okay, 即系红豆多层 pan cake, 但系比较干。