天澗居酒屋

营业中

休息中

今日同屋企人一齐食下日本野。见到桌上有富士山 🗻纸巾架，好有心思。拖罗蓉海胆丼 $138拖罗新鲜又唔会有根，海胆都好鲜甜，我会形容有d地方既海胆有街市味，唔系腥，但不太能接受，但依个完全冇依只味，下面醋饭味道都刚刚好。茶碗蒸系跟餐既，佢入面有d蟹肉，十分足料。田乐炸豆腐 $56豆腐外面脆脆的，一咬好热，跟住就有d汁出黎，好juicy，加上上面甜甜地既酱好开胃。鱼裙边寿司有烧手法，令到鱼既油香更出，又唔会有根，一入口即溶。带子寿司用料新鲜，但唔算太大惊喜。免治鸡肉串 $38肉嫩，加上甜甜酱汁，更入吗。烧白鳗串 $68鱼皮烧得十分脆香，但我就比较钟意爽身，佢就系比较淋身。江户前玉子烧 $49有别一般玉子烧，依个系比较肉蛋糕，但蛋味好香，咬落又好松软。海虾天妇罗 $68海虾外层好脆，虾都爽，但可以再生小小，有d过熟。整体黎讲食物价钱都好合理，食左不少野，两个人大概$700左右，系市区既居酒屋会贵好多。